Qazaqstannyŋ būrynǧy basşysy Nūrsūltan Nazarbaevtyŋ ülken qyzy Dariǧanyŋ taǧy mülkı – Mäskeudegı sovet kezınen qalǧan päterı. Osy turaly habarlaǧan aqparat resursynyŋ mälımetın äzırge eşkım joqqa şyǧarǧan joq. Būǧan deiın de aktivterge qatysty mälımetter jariialanyp, sūraqtar paida bolǧanda būrynǧy basşynyŋ äuletı tıs jaryp eşteŋe aitqan emes.
«Bız Dariǧa Nazarbaevanyŋ Mäskeuden taǧy bır päterın taptyq. Būl şeteldegı basqa mülıkterıne qaraǧanda erekşe közge tüsedı. Sebebı, bırınşıden, būl onyŋ eŋ arzan aktivı, ekınşıden, ony tegın alǧan», - dep habarlady «Vyhod k moriu» Telegram arnasy. Osy arnanyŋ habarlauynşa, Resei astanasynda Dariǧa Nazarbaevanyŋ būdan äldeqaida qymbat mülıkterı de bar.
ATADAN QALǦAN MŪRA MA?
Äŋgıme bar-joǧy 66 m² bolatyn üş bölmelı päter turaly bolyp otyr. Päter Cheremuşki audanyndaǧy Profsoiuznaia köşesınde «Sarskoe selo» tūrǧyn alabynda ornalasqan. Būl keşen 1983 jyly «keŋestık şeneunıkterge arnalǧan elitalyq tūrǧyn üi» retınde salynǧan. Jergılıktı tūrǧyndar būl üilerdı älı künge deiın «sovmindık» dep ataidy.
№2 korpustaǧy besınşı qabattaǧy päterge aldymen ükımettı, sodan keiın Qazaqstan Kompartiiasynyŋ Ortalyq komitetın basqarǧan KSRO Ministrler Keŋesınıŋ müşelerınıŋ bırı Nūrsūltan Nazarbaev qonystanǧan.
«Ol būl jerde uaqytşa ǧana bolǧan. Köbınese Mäskeu memlekettık universitetınıŋ tarih fakultetınıŋ aspiranty qyzy Dariǧa tūrdy», - dep jazady «Vyhod k moriu».
1992 jyly Nazarbaev özınıŋ qyzmettık päterın jekeşelendırıp, ony Dariǧa jäne onyŋ ūldary Nūrälı men Aisūltanǧa bölıp berdı.
«Jekeşelendıru, şamasy, qyzmettık tūrǧyn üige jäne tek Resei azamattaryna qatysty zaŋdy ainalyp ötken siiaqty. Qalai bolǧanda da, būl olardyŋ alǧaş şetelden ielengen mülkı boldy», - dep habarlaidy «Vyhod k moriu».
Däl osy päterdıŋ qūny Nazarbaevtyŋ basqa mülıkterımen salystyrǧanda öte arzan. Mälımetter boiynşa, osy üide ekı qabat joǧary ornalasqan ūqsas päter 28 million rublge (şamamen 300 myŋ dollardan az) satylyp jatyr.
TAǦY BIR PÄTER
«300 myŋ dollardy arzan dep aitqanda, bız būl päterdı būryn-soŋdy resmi türde biznespen ainalyspaǧan Dariǧanyŋ basqa satyp alǧan mülıkterımen salystyryp otyrmyz. Onyŋ Mäskeude qūny 230 million rubl (2,3 million dollar) tūratyn taǧy bır päterı bar. Būl päterdıŋ ornalasqan jerı de erekşe — qalanyŋ qaq ortasyndaǧy Povarskaia köşesınde, al aumaǧy 305 m²», - dep atap öttı Telegram arna avtorlary.
Cheremuşkidegı «közge qoraş» päterdıŋ älı künge deiın Nazarbaevtyŋ qyzynyŋ atynda ekenı habarlandy. Jekeşelendıruden keiın ielerı özgermegen.
«Mümkın, būl üş bölmelı päter Dariǧa Nazarbaeva üşın estelık nemese boitūmar retınde qymbat şyǧar. Mäskeude bolsa da, özınıŋ alǧaşqy şeteldık mülkı…» — dep jazady «Vyhod k moriu».
Eske salaiyq, 2022 jyly Dariǧa Nazarbaeva Beiker-strittegı aktivterın 140 million dollarǧa satqan bolatyn. Ol sondai-aq Londonnyŋ eŋ sändı audandarynyŋ bırı Haigeitte ornalasqan villasyn 8 million funt sterlingke satty.
«Londonda, milliarderler köşesı sanalatyn Bişop-aveniudegı Dariǧanyŋ taǧy bır saraiy 39 million funt tūrady. Sonymen qatar, Dariǧa Nazarbaeva Londonnyŋ Chelsi audanyndaǧy Manresa Roud köşesındegı 21 üiden qūny 31 million funt bolatyn bır ülken päterge ielık etedı», - dep habarlady «Vyhod k moriu» Telegram arnasy Nazarbaevanyŋ Londonda ornalasqan jyljymaityn mülıgı jaily.
