Kölık ministrlıgı äue reisı keşıkken jaǧdaida aiyppūldyŋ 2 ese ösetının mälımdedı, dep habarlaidy “Adyrna” ūlttyq portaly.
Būl turaly “Aşyq NQA” portalynda jariialandy.
Kölık ministrlıgınıŋ deregınşe, reis märtebesınıŋ özgeruıne bailanysty jolauşylarǧa qyzmet körsetpeu jaǧdaiynda äuekompaniialardy jauapqa tartu mümkın emes eken.
Osyǧan bailanysty äkimşilik qūqyq būzuşylyq turaly kodeksınıŋ 567-babyna säikes (Tasymaldauşynyŋ kınäsınen reis keşıkkende nemese oryndalmaǧanda jolauşyǧa qyzmet körsetudı tiısınşe oryndamau) qaralady.
2023 jyly reisterdıŋ keşıguınıŋ 16 666 oqiǧasy tırkelgen. Al biylǧy jyldyŋ qyrküiegınde būl körsetkış 17 827-ge jetken.
Osylaişa, reis märtebesı özgergen jaǧdaida tasymaldauşynyŋ öz mındetterın oryndamauy nemese tiıstı därejede atqarylmaǧany üşın aiyppūldy 400 AEK-ke deiın ūlǧaitu ūsynyldy.
Äkımşılık jaza qoldanylǧannan keiın bır jyl ışınde qaitalanǧan būzuşylyq üşın aiyppūl kölemı 2000 AEK mölşerınde boluy kerek ekenı talqylandy.
Aita keteiık, elımızde äue kompaniialardyŋ keşıguıne qatysty bırneşe dauly mäsele bolǧan edı.
Ūqsas jaŋalyqtar
