Qazaqstan halqynyŋ bır jyl ışındegı ösımı 223 myŋ 218 adamǧa artqan, dep habarlaidy "Adyrna" ūlttyq portaly. Būl orta eseppen bır qala halqyn qūraidy.
2023 jyly däl 16 qaraşada Qazaqstan halqynyŋ 20 millionǧa jetkenı habarlanǧan edı. Sonda 20 millionynşy boluy mümkın bes närestenıŋ bır uaqytta düniege kelgenı aitylǧan. Sodan berı el halqyna 223 myŋ 218 adamnyŋ qosylǧany belgılı boldy.
Resmi derekte körsetılgen ösım halyqtyŋ tabiǧi köbeiuı men köşı-qon ürdısterıne bailanysty qalyptasty.
Qazaqstannyŋ tuu deŋgeiı joǧary memleketterdıŋ qatarynda ekenın eskersek, tabiǧi ösım halyq sanynyŋ tūraqty ūlǧaiuyna sebepker bolǧan. Alaida 2024 jyly elde tuu körsetkışı ötken jylmen salystyrǧanda tömendegen. 2023 jyly ömırge kelgender sany 290 894 adamdy qūrasa, 2024 jyly būl körsetkış 12 196 adamǧa azaiǧan. Iаǧni, biyl 278 698 näreste düniege keldı.
Qazaqstan statistika komitetınıŋ ūsynǧan sanyna qarasaq, qaitys bolǧandar sany byltyrǧyǧa qaraǧanda 3 363-ke artyq. 2023 jyly 96 141 adam ömırden ötse, 2024 jyly 99 504 adam qaitys bolǧan.
Qazaqstannyŋ är aimaǧyndaǧy halyq sanynyŋ özgerısı ärtürlı deŋgeide. 2023 jyly elımızge kelgender sany 19136 adam bolsa, biyl 20383 adamdy qūraǧan. 2024 jyly qala tūrǧyndary 12 704 977 adamǧa jetse, auyl halqy 7 518 241 adamdy qūraǧan.
Elımızde erlerge qaraǧanda äiel
adamdardyŋ sany basymyraq. Naqtyraq aitsaq, Qazaqstanda 10 342 959 äiel adam tūrsa, er azamattardyŋ sany - 9 880 259.
Prezident Qasym-Jomart Toqaev 2023 jyly 16 qaraşada Qazaqstan halqynyŋ sany 20 millionǧa jetkenıne bailanysty eldı qūttyqtaǧan. Memleket basşysynyŋ X (būrynǧy twitter) paraqşasynda jariialaǧan qūttyqtauynda mynandai jailar aitylǧan.
Ūqsas jaŋalyqtar
«Halqymyzdyŋ sany 20 millionǧa jettı! Barşaŋyzdy aqjoltai jaŋalyqpen qūttyqtaimyn! Baqytty otbasy – baquatty eldıŋ negızı. Memleket otbasy qūndylyqtaryn nyǧaituǧa, ana men balany qorǧauǧa basa män beredı. Halyqtyŋ derekter bazasynyŋ körsetkışterıne säikes, 2023 jylǧy 14 qaraşada taŋǧy saǧat 8.10-da tuǧan 5 bala elımızdıŋ 20 millionynşy tūrǧyny atandy. Qazaqstannyŋ mereilı azamattary Ūlytau, Jetısu, Atyrau, Aqmola jäne Türkıstan oblystarynda düniege keldı. Olardyŋ ışınde 3 ūl jäne 2 qyz bar», – delıngen qūttyqtau jazbasynda.Eske sala ketse, körşıles Özbekstanda 2023 jylǧy 1 säuırdegı jaǧdai boiynşa halyq sany 36 mln 197 myŋ adamdy qūraǧan. Al 2024 jyldyŋ 1 mausymyndaǧy derekte 37 139 008 adamǧa jetkenı körsetıldı. Özbekstanda halyq sany bır jyldyŋ ışınde 942 myŋǧa artqan. Ǧalamtordaǧy aqparatqa süiensek, Qyrǧyzstanda byltyr 6 912 666 adam tūrsa, biyl 7 222 724 adamǧa jetken. Demek, Qyrǧyzstan halqynyŋ sany bır jylda 310 myŋǧa ösken.
