Bızdıŋ uaqyt degen ol UTC+5, iaǧni, qazaq jerınıŋ basym bölıgı jatqan beldeudegı uaqyt.
Astana, Almaty, Şymkent, Semei, Pavlodar, Öskemen, Petropavl degen ülken qalalar osy beldeude jatyr.
Küllı Qazaqstan halqynyŋ 76%-y, iaǧni, 15 millionnan astam adam osy beldeudıŋ geografiialyq saǧatymen ömır süredı.
Bügın Ükımette sauda jäne integrasiia ministrı Arman Şaqqaliev ötkır mälımdeme jasady.
"Keŋestık kezeŋde Qazaqstandaǧy saǧat 8 ret auysqan! Jospar oryndau kereu, sosalistık jarys ūiymdastyru kerek boldy, ekonomikaǧa kerek boldy. Osy sebepten de bız eşqaşan tabiǧi uaqytpen jürıp körmedık. Al, qazırgı ömır sürıp otyrǧan uaqytymyz ol geografiialyq uaqyt, tabiǧi uaqyt. Arnaiy bılımı joq, tüsınıgı şamaly adamdar el ışıne ärtürlı äŋgıme taratyp, uaqytty kerı qaitaruǧa äreket etıp jatqanyn bılemın. Bıraq, ol äreket zaia. Qazırgı uaqyttyŋ tiımdılıgın energetika ministrlıgı de maqūldap otyr, elektr quatyn tūtynuda özgerıs joq. Densaulyq saqtau ministrlıgı de tolyq tekseru jasap, halyq saulyǧyna qalai äser etkenın qadaǧalap otyr. Sondyqtan, eldı dürlıktıre bermei, tynyş jüru kerek"- dedı Şaqqaliev.
Şyǧys Qazaqstannyŋ şetkı audandary, Ridder qalasy UTC+6 beldeuıne jatady, alaida, bır audan üşın bır beldeu ūstaudyŋ ne qajetı bar?
Keşe bır şyǧystyŋ adamy Qaton-Qaraǧaidaǧy Barlyq auylynyŋ bır videosyn jıberıptı. "Kün batyp bara jatyr, saǧat 13:45 boldy" deptı.
Men aitam: ol kün byltyr 14:45 te batty. Al, sol bır saǧattan ne özgeredı? Ne ıstei alasyŋ bır saǧatta?
Özgertseŋ bırjola 5 saǧatqa özgert, qysta 18:45 te kün batatyn etıp. Bolmasa, "14:45 te kün batatyn bolsyn" dep dau şyǧarudyŋ, "byltyrǧy uaqytty qaitar" dep zar ileudıŋ qandai mänı bar?
Ötkende Şyǧys Qazaqstannan sailanǧany bar, sailanbaǧany bar deputattar mälımdeme jasaǧan, "üitemız de büitemız, uaqytty kerı qaitaramyz" dep... Bügın Şaqqalievtı estıdı, erteŋ plenarkadan keiın ne der eken.
Almas Altai
