Nūrbol Nazarbaev pen onyŋ «jaqyndary» reiderlık jasady degen şaǧym tüstı

«Porus» JŞS qūryltaişysy Quat Ermentaev eks-prezident Nūrsūltan Nazarbaevtyŋ nemere ınısı, Bolat Nazarbaevtyŋ ūly Nūrbol Nazarbaev pen onyŋ “jaqyndary” reiderlık jasady dep aiyptauda, dep habarlaidy “Adyrna” ūlttyq portaly QazTAG agenttıgıne sıltep. Aqparatqa säikes, 2019 jyly jeltoqsanynda özderın Nūrbol Nazarbaevtyŋ naǧaşysymyz dep tanystyrǧan S. A. Zorbaev pen «Syrym» esımdı ekı azamat Quat Ermenbaevpen onyŋ tuystaryn qorqytyp, onyŋ «Porus» kompaniiasyndaǧy ülesın Zorbaevtyŋ atyna audartyp, qūqyq qorǧau organdaryna jügınbeu turaly eskertu jasaidy. «Men öz ömırım men jaqyn tuystarymnyŋ ömırı üşın qorqyp,  serıktestıktegı ülestıŋ 16%-yn Zorbaevtyŋ atyna jazuǧa mäjbür boldym. Ol Nūrbol Nazarbaevtyŋ qamqorlyǧymen öz ısın jüzege asyrady», – delıngen basylym keltırgen Ermentaevtyŋ mälımdemesınde. Ermentaevtyŋ sözınşe, ol aǧasy Rat Ermentaevpen bırge 2011 jyly «Porus» JŞS-ny qūrady. Aǧaiyndylar ülestesıp qūrǧan serıktestık geologiialyq barlau qyzmetterın körsetıp, üş būrǧylau agregaty men tiıstı lisenziialaryn alady. Biznestı keŋeitu maqsatynda Särsembaeva Gülmira Tölebaiqyzy men Şäkırbaev Serık Amanjanūly esımdı azamattardan investisiia qabyldaidy. Tiısınşe, Särsembaev – 33%,  Şäkırbaev S. A. – 34%; Ermentaev Quat – 33% kompaniia ülesın alady. Üleskerler mındetterdı bölıp, Särsembaeva investisiia tartyp, Şäkırbaev jūmyspen qamtyp, Ermentaev barlau jūmystaryn jürgızedı. Onyŋ sözınşe, Şäkırbaev Nūrbol Nazarbaevtyŋ müddesın qorǧaityn adam bolǧan. «Osyǧan bailanysty Şäkırbaev serıktestıktıŋ qyzmetıne belsendı aralasyp, serıktestıktıŋ barlyq operasiialyq qyzmetıne tıkelei jetekşılık etkenın atap ötken jön», – delıngen jazbada. Basylymnyŋ jazuynşa, 2016 jylǧa deiın serıktestık dividend tölep keledı. Sol jyldyŋ soŋynda Şäkırbaev basqaru qyzmetın Ermentaevtan alyp, özınıŋ senımdı ökılı Aleksei Oşerovke tabystaidy. Degenmen oǧan jäne Särsembaevaǧa dividendtı uaqytynda töleitının aityp sendıredı. Osy kezden bastap Ermentaev serıktestık jūmysynan tolyq şettetıledı. «Alaida Şäkırbaev mındettemelerın oryndamai, 2017 jyldan bastap men olardan dividendterdı tolyq kölemde almadym. Osyǧan bailanysty Şäkırbaevpen jäne Oşerovpen bırneşe ret janjaldastym. Qyzmetımdı qaitaryp alu turaly talaptarymdy qoqan-loqymen qarsy aldy. Aqyry öz ülesımnen bas tartyp, Nūrbol Nazarbaevtyŋ tuysy atalǧan Zorbaevqa jazyp berdım», – dep atap ötken Ermentaev. Ol qyzmetınen ketken 2017-2022 jyldar aralyǧynda «Porus» kompaniiasynyŋ jalpy tabysy 7 mlrd teŋgenı qūraǧan, jyldyq tabysy 300 mln teŋge dep eseptelgen. 2020 jyly Şäkırbaev pen Oşerov serıktestıktıŋ salyq mäselelerıne bailanysty Ermentaevtyŋ rūqsatynsyz kompaniiany bankrotqa ūşyrata bastaǧan. Būǧan qosa, bankrottyq kezınde qymbat jabdyqtardy salyq tölemıne jıbermes üşın jaŋadan qūrylǧan taǧy bır kompaniiaǧa satqan. Ermentaevty osy kompaniianyŋ üleskerı etuge uäde bergen. «Nūrbol Nazarbaevtyŋ müddesıne äreket etken Şäkırbaev pen Oşerov serıktestıktıŋ bankrottau üşın şyǧyndar men özge de ıs-qimyldardy jasandy türde asyra sılteu jolymen memleketke salyq töleuden jaltarǧan  boluy mümkın. Sondai-aq serıktesterge 1 mlrd teŋge kölemınde divident tölemei, zalal keltırgen», – dedı Ermentaev. Aqparat boiynşa, ol 2022 jyly 4 säuırde atalǧan faktıler boiynşa Almaty qalasynyŋ prokuraturasyna aryz bergen, alaida 2022 jylǧy 2 qaraşada qylmystyq ıs toqtatylǧanyn aitady. Is qylmystyq qūqyq būzuşylyq qūramyna bolmauyna bailanysty toqtatylǧan. Degenmen 2023 jyldyŋ 7 qaraşasynda ıs qaita qaralyp bastaǧan.