Semeide oquşyǧa qol kötergen ofiser-tärbieşı qyzmettık tergeu nätijesınde sögıs alǧan, dep habarlaidy "Adyrna" ūlttyq portaly.
Er adam 2022 jyldyŋ qaraşa aiynda 8-synyp oquşysyn basynan ūrǧan.
Äleumettık jelılerdı baqylau kezınde 2022 jyldyŋ qaraşa aiynda tüsırılgen video anyqtalǧan.
“Videoda ofiser-tärbieşı A.K.S student R.D.T-ǧa qarsy küş qoldanǧany anyq körsetılgen. Tärbieşı pedagogikalyq ädep keŋesıne şaqyrylyp, oǧan sögıs türındegı tärtıptık jaza taǧaiyndaldy”, – dep habarlady Abai audandyq bılım basqarmasynyŋ baspasöz qyzmetı.Jelıdegı jazbada anyqtalǧandai, ofiser-tärbieşı oquşyǧa öz betınşe daiyndyq kezınde ülgerımı üşın sögıs jariialap, artynşa onyŋ jelke tūsynan alaqanymen ekı ret ūrǧan. Bılım basqarmasy pedagogtıŋ oquşynyŋ densaulyǧyna eşqandai ziian keltırmegenın jäne medisinalyq kömekke jügınbegenın, al oquşynyŋ ata-anasy mūǧalımge eşqandai aryz jazbaǧanyn atap öttı.
"Sonymen qatar mūndai äreketterdıŋ aldyn aluǧa baǧyttalǧan bılım beru qyzmetkerlerımen jalpy jinalys ötkızıldı. Lisei direktorynyŋ tärbie ısı jönındegı orynbasary men äleumettık pedagogke qyzmetkerlermen profilaktikalyq jūmysty küşeitu tapsyryldy", – dep atap öttı bılım basqarmasynda.
Ūqsas jaŋalyqtar
