Bügın qazaqtyŋ küresker tarihşysy, tarih ǧylymynyŋ doktory, professor, Qazaqstan Ǧylym Akademiiasynyŋ korrespondent-müşesı – Ermūhan Bekmahanovtyŋ tuǧanyna 110 jyl toldy, dep habarlaidy “Adyrna” ūlttyq portaly.
Ermūhan Bekmahanūly 1915 jyly 15 aqpanda Pavlodar oblysy, Baianauyl audanynda düniege kelgen.
1937 jyly Reseidıŋ Voronej qalasyndaǧy pedagogikalyq institutyn bıtırgen. Qazaq KSR halyq aǧartu komissariatynyŋ janyndaǧy ǧylymi zertteu institutynda eŋbek etken.
1946-1947 jyldarda Qazaq KSR Ǧylym akademiiasynda jaŋadan qūrylǧan Tarih, arheologiia jäne etnografiia instituty direktorynyŋ ǧylymi jūmys jönındegı orynbasary, 1947 jyldan bastap, ömırınıŋ soŋyna deiın, iagni 1966 jylǧy mamyrdyŋ altysyna deiın Qazaq memlekettık universitetınde özı ūiymdastyrǧan Qazaqstan tarihy kafedrasyn basqardy.
1946 jyly Bekmahanov "Qazaqstan HIH ǧasyrdyŋ 20-40 jyldarynda" atty doktorlyq dissertasiia qorǧap, Kenesary Qasymūlynyŋ köterılısı jaiynda jazyp, oǧan "ūlt-azattyq qozǧalys" degen sipat beredı. Qazaqstan tarapynan baiandama jasap, sol jerde qaǧazsyz söilegen Ermūhandy körgen barlyq halyq taŋqalǧan körınelı.
Sodan keiın ol "Ūltşyl" dep aiyptalyp 25 jylǧa bas bostandyǧynan aiyrylyp jer audarylady.
Ol kısınıŋ lagerden tiıstı organdarǧa jazǧan köptegen aryzdarynyŋ nätijesınde, akademik, qoǧam qairatkerı Anna Mihailovna Pankratova siiaqty qaiyrymdy adamdardyŋ kömegınıŋ arqasynda Beriia atylǧannan keiın E. Bekmahanovtyŋ ısı qaita qaralyp, 1954 jyly 16 aqpanda onyŋ ısı jabylyp, özı aqtalyp şyqty.
Közınıŋ tırısınde aqtalmaǧan eŋbekterı, Qazaq elı täuelsızdıgın alǧannan keiın aqtalyp, Qazaq universitetı baspasynda jaryq köredı.
