Almatyda Nauryz meiramy aiasynda Abai Qūnanbaiūlynyŋ 180 jyldyǧyna arnalǧan erekşe mädeni şara öttı. Qala äkımdıgınıŋ mälımetınşe, 5000-nan astam adam Abaidyŋ äigılı «Közımnıŋ qarasy» men «Jelsız tünde jaryq ai» änderın bır uaqytta oryndap, qazaqtyŋ ūly aqynynyŋ mūrasyn ūlyqtady, dep habarlaidy "Adyrna" ūlttyq portaly.
Şara Abai daŋǧyly boiynda ūiymdastyryldy. Baiqadamov atyndaǧy Memlekettık hor kapellasynyŋ ärtısterı, P.Chaikovskii atyndaǧy Almaty muzykalyq kolledjınıŋ studentterı, Qūrmanǧazy atyndaǧy Qazaq ūlttyq konservatoriiasynyŋ muzykanttary, belgılı änşıler, qala tūrǧyndary men qonaqtary ūly aqynnyŋ änderın bır mezette şyrqady.
10:00-de Almaty aspanynda äuezdı än qalyqtap, qaladaǧy merekelık köŋıl-küidı odan ärı arttyrdy. Būl şara Abai mūrasyn jaŋǧyrtu, därıpteu jäne bolaşaq ūrpaqqa jetkızu maqsatynda ūiymdastyryldy.
Merekelık ıs-şara Respublika saraiy aldyndaǧy sahnada jalǧasty. Teatr ärtısterı «Jaŋa ǧasyr» spektaklın qoiyp, «Alatau» dästürlı öner teatrynyŋ ärtısterı ūlttyq mädeniettı därıpteitın erekşe qoiylymdar ūsyndy.
Keşke Steppe Sons, Tumar ansamblı, Ūly Dala qyzdary, Jūmyr Qylyş, ILIGAI ansamblı, MuzArt Life, Aldaspan toptary jäne Jämilä Serkebaeva, Bibıgül Qylymhan, Dias Mūrathan, Sanduǧaş Stamǧazieva, Tılek Bazarov, Maral Anarbek, Qairatbek Bektūrsyn syndy änşıler öner körsettı.
Ūqsas jaŋalyqtar
