Almatydaǧy kömırmen jūmys ısteitın jylu elektr ortalyqtaryn gazǧa köşıru jūmystary jalǧasyp jatyr, dep habarlaidy "Adyrna" ūlttyq portaly Tengrinews.kz-ke sıltep.
Jobalar bırneşe jyldan berı ıske asyrylyp keledı, alaida naqty nätijeler tek 2026 jyly kütıledı.
Almaty qalasynyŋ Energetika jäne sumen jabdyqtau basqarmasynyŋ mälımetınşe, JEO-3-tı (TES) qaita jaŋǧyrtu jūmystary 2023 jyldyŋ qyrküiegınde bastalǧan. Bas merdıger – bırneşe kompaniiadan qūralǧan EPC-konsorsium. Qazırgı taŋda injenerlık-ızdestıru, būrǧylau, qoldanystaǧy ǧimarattardy ışınara būzu, qūrylys alaŋyn daiyndau jäne uaqytşa elektrmen jabdyqtau jūmystary atqarylǧan.
Josparǧa säikes, JEO-3 2026 jyldyŋ jeltoqsanynda paidalanuǧa berıluı tiıs.
JEO-2-nı gazǧa köşıru jobasyn Qytai kompaniialarynyŋ konsorsiumy jüzege asyryp jatyr. Qosalqy infraqūrylym boiynşa daiyndyq jūmystary aiaqtalǧan. Qazır qūrylys-montaj jūmystary jürıp jatyr. Gaz turbinalary men generatorlarynyŋ ekı jiyntyǧy jetkızılgen, üşınşısı jetkızu satysynda. Sonymen qatar, tört su jylytu qazandyǧyn montajdau jürgızılude.
Joba 2022–2026 jyldarǧa josparlanǧan. 2025 jyldyŋ qazan aiynda jobalyq qūjattama memlekettık saraptamadan oŋ qorytyndy alǧan. Aldyn ala aqparat boiynşa, alǧaşqy gaz turbinasyn ıske qosu 2026 jyldyŋ törtınşı toqsanyna josparlanyp otyr.
«Qazgidromet» deregınşe, 2025 jyldyŋ jeltoqsanynda Almatyda atmosferalyq auanyŋ lastanu deŋgeiı joǧary dep baǧalanǧan. Qalada aua sapasy 16 stasionarlyq baqylau beketınde baqylanady.
JEO-lardy gazǧa köşıru Almatydaǧy aua sapasyn jaqsartuǧa baǧyttalǧan negızgı jobalardyŋ bırı bolyp otyr.
