“Elge kömek” qaiyrymdylyq qorynyŋ jetekşısı Iliias Sariev alaiaqtyq baby boiynşa ūstaldy, dep habarlaidy “Adyrna” ūlttyq portaly.
Jelıde taraǧan mälımetke säikes, zaŋger Nūrsūltan Orynbekov oqiǧa turaly aitty.
“Qazaq Robin Gud Iliias Sariev alaiaqtyq baby boiynşa ūstaldy. Almatydan osyndai habar keldı. Bırneşe adamnan alaiaqtyq äreketıne qatysty aryz tüsken. Qazır sol boiynşa ūstalǧany belgılı boldy. Aldanǧandar bolsa, Almaty ışkı ıster departamentıne aryzdana alady”, – dep jazdy.
Almaty qalalyq polisiia departamentı būl aqparatty rastady.
“Almaly audandyq polisiia basqarmasyndaǧy polisiia bölımı alaiaqtyq deregı boiynşa qylmystyq ıs qozǧady. Jan-jaqty jäne obektivtı tergeuge baǧyttalǧan bırqatar tergeu şaralary jürgızılıp jatyr. Olardyŋ qorytyndysy boiynşa prosessualdyq şeşım qabyldanatyn bolady”, – delıngen resmi habarlamada.
Aita keteiık, Iliias Sariev Instagram jelısınde qazaq_robin_hood laqap atymen tanymal. Ol äleumettık jelıde türlı qaiyrymdylyq jobalarymen tanylyp, halyq arasynda qoldau tapqan tūlǧa retınde belgılı bolǧan.
Ūqsas jaŋalyqtar
