Qazaqstan jyl soŋynda öz zymyranyn ǧaryşqa ūşyrmaq. Qazır ol üşın qarjy bölınıp, ailaq daiyndalyp jatyr. Būl turaly Qazaqstan Respublikasy Parlamentı Senatynyŋ deputaty Ǧaliasqar Sarybaev mälımdedı, dep habarlaidy “Adyrna” ūlttyq portaly.
«Qazır bız özımızdıŋ zymyran ūşyratyn ailaǧymyzdy daiyndap jatyrmyz. Oǧan qarjy bölıngen. Ükımet būl ūsynysty qoldady. Būl – kommersiialyq baǧdarlama. Sol arqyly ūşyratyn bolsaq, bolaşaqta bızdıŋ zymyranymyzdy paidalanamyn degen memleketter köbeiedı. Qazırgı taŋda Afrika elderı men Moŋǧoliia qyzyǧuşylyq tanytyp otyr. Memleket basşysy ärbır memleketke barǧanda, ǧaryş salasyn aityp jüredı. Fransiiaǧa saparynda da ǧaryş turaly söilestı. Al Moŋǧoliia apparattaryn keŋıstıkke alyp şyǧuǧa tapsyrys berıp, kelısımşartqa qol qoiyldy. Iаǧni, bız jyl soŋyna deiın özımızdıŋ otandyq zymyran tasyǧyşymyzdy şyǧaramyz jäne Qazaqstan ǧaryş salasynda özınıŋ jaŋa tarihyn jazady dep oilaimyn», - deidı deputat.
Halyq qalaulysy aldaǧy 5-10 jylda törtınşı qazaq ǧaryşkerı ǧaryşqa sapar şeguı mümkın ekenın aitty.
«Bızdıŋ ǧaryşker tek turist retınde baryp kelmeuı kerek. Turist retınde ǧaryşkerdı 6 aida-aq daiyndap şyǧuǧa bolady. Bız halqymyzǧa kerektı ǧylymi zertteu jürgızetın azamattardy bügınnen bastap daiyndauymyz kerek. Sebebı, bır ǧaryşkerdı daiyndau üşın qyruar qarajat qajet. Mamandardyŋ aituynşa, bır ǧaryşkerdı ǧaryşqa ūşyruǧa tolyqtai daiyndau üşın 60 mln dollardai aqşa kerek. Al zertteu jūmystaryn jürgızetın ǧaryşkerdı bız 7-10 jylda daiyndaimyz. Bolaşaqta, 5-10 jylda qazaqtan şyqqan törtınşı ǧaryşkerdı ūşyruǧa mümkındıgımız bar», - deidı Ǧaliasqar Sarybaev.
Senat deputaty Qazaqstannyŋ ǧaryş salasyndaǧy äleuetıne de toqtaldy.
«Nege qazaqstandyq ǧaryşkerler de ūşpasqa? Zymyran tasyǧyş – bızdıŋ jerımızde. Sputnikterdı de özımız jasai alamyz. Kosmodrom bızde. Qazır ǧaryş salasynan Resei azamattary aqyryndap ketıp jatyr. Bız sol oryndy toltyryp qaluymyz kerek. Ol jerde älemde teŋdesı joq obektıler bar, qūrylystar bar. Solardy saqtap qaluymyz kerek. Eŋ basty mäsele – osy. Onda bızdıŋ 40 myŋdai azamatymyz jūmys ısteidı. Ǧaryş salasynda 10 myŋnan astam azamatymyz jūmys ısteidı. Solardyŋ bärınıŋ äleuetın dūrys paidalanyp, bolaşaqta osy qazaq elı, qazaq jerı üşın paida beretın dünielerdı dūrystap jolǧa qoiuymyz kerek”, - deidı ol.
Sonymen qatar senator ǧaryş salasyn damytudyŋ elge berer paidasyn da tılge tiek ettı.
«Bolaşaqta bız osy ǧaryş salasyna qarjy salatyn bolsaq, ol bızge 2-3, tıptı 5 ese ekonomikalyq paida äkeledı. Sebebı, bükıl Orta Aziia, Afrika sekıldı basqa da elder bızdıŋ osy zymyran tasyǧyştar arqyly keŋıstıkke özderınıŋ apparattaryn şyǧarǧysy keledı. Özderınıŋ nüktelerın alǧysy keledı. Bız osy mümkındıktı dūrys paidalanuymyz kerek”, - deidı deputat.
Ǧaliasqar Tölendıūly ǧaryşqa ūşu üşın daiyndalyp jatqan qazaq qyzdary da bar ekenın aitady.
«Biyl Baiqoŋyr ǧaryş ailaǧynyŋ ıske qosylǧanyna 70 jyl tolady. 70 jyldyq tarihqa qaraityn bolsaq, özge memleketten ūşqan azamattardyŋ Qazaqstanǧa degen közqarasy özgerdı. Bızdı teŋ därejelı memleket, kosmostyq derjava retınde qarai bastady. Osyǧan bailanysty bızdıŋ de azamattarymyz ūşu kerek dep oilaimyn. Sol ūşatyn azamatymyz qyz bala bolsa, tıptı jaqsy. Sebebı, Tereşkova siiaqty qazaqta da batyr qyzdar bar ǧoi. Daiyndalyp jatqandary da bar. Solardy ūşyruymyz kerek”, - deidı senator.
