AQŞ-tyŋ Tallahassi qalasyndaǧy Florida ştaty universitetı kampusyna beimälım adamdar oq jaudyrǧan. Qaruly şabuyldyŋ saldarynan tört adam jaraqat alǧan. Būl turaly Anadoly jariialady, dep habarlaidy “Adyrna” ūlttyq portaly.
Aqparatqa säikes, atys aşqan adam älı de kampus aumaǧynda jürgenı habarlandy.
Oqiǧa Tallahassi qalasyndaǧy universitet kampusynda jergılıktı uaqytpen şamamen 12:00–de bolǧan. Polisiia oqiǧa ornyna kelıp, şabuyldauşyny zalalsyzdandyru şaralaryn qolǧa alǧan.
Tallahassee Memorial auruhanasy jaraqat alǧan adamdardyŋ älı de auruhanaǧa jetkızılıp jatqanyn rastady. Medisinalyq brigadalar jedel qyzmetter jäne qoǧamdyq qauıpsızdık qyzmetkerlerımen bırlesıp oqiǧa ornynda jūmys ıstep jatyr.
Universitettıŋ qauıpsızdık qyzmetı kampus aumaǧynda jürgen adamdarǧa şūǧyl eskertu jariialap, qauıpsız jerlerge jasyrynudy jäne ärı qaraiǧy nūsqaulardy kütudı sūrady.
“Barlyq esık-terezelerdı jabyŋyzdar, qosymşa qauıpsızdık şaralaryna daiyn bolyŋyzdar”, — delıngen habarlamada.
Universitettegı barlyq sabaq uaqytşa toqtatyldy. Kuägerlerdıŋ aituynşa, qaruly şabuyl jasaǧan adam studenttermen qatarlas adam boluy mümkın. Olardyŋ sözınşe, polisiia oqiǧa ornyndaǧy qauıpsızdık şaralaryn küşeitıp, şabuyldauşyny ūstau nemese zalalsyzdandyru boiynşa äreket etıp jatyr.
