Air Astana äue kompaniiasy ūşaǧynyŋ fiuzeliajynan jaryqşaq tabyldy. Prokuratura tekserıs jürgızıp jatyr, dep habarlaidy “Adyrna” ūlttyq portaly QazTAG agenttıgıne sıltep.
2025 jylǧy 18 säuırde Telegram-daǧy «Berkut 001» arnasynda jariialanǧan aqparatqa säikes, Memleket basşysynyŋ tapsyrmasymen kölık prokuraturasy men Qazaqstannyŋ Aviasiialyq äkımşılıgı äue qauıpsızdıgı salasynda keŋ kölemdı tekserıs jürgızıp jatyr.
Atalǧan tekserıs barysynda Air Astana äue kompaniiasyna tiesılı ūşaqtyŋ fiuzeliajynyŋ artqy jük bölıgınıŋ maŋynan enı şamamen 25 santimetr bolatyn jaryqşaq anyqtalǧan. Osyǧan bailanysty ūşaqtyŋ paidalanyluy uaqytşa toqtatyldy.
Sonymen qatar, Telegram arnadaǧy jazbada tekserıske qatysyp jatqan lauazymdy tūlǧalarǧa qysym körsetılıp jatqany, iaǧni qauıpsızdıkke ülken qater töndıretın būl aqaudy maŋyzdy emes eskertu retınde tırkeuge itermeleu äreketterı turaly da aitylǧan.
QazTAG agenttıgı būl mälımettı Bas prokuraturadan rastaudy sūraǧan.
«Memleket basşysy men Bas prokurordyŋ tapsyrmalaryn oryndau maqsatynda tūraqty jolauşy tasymaldaryn jüzege asyratyn äue kompaniialardyŋ qyzmetıne tekserıs jürgızılude. Būl jūmysqa uäkılettı memlekettık organdar men ūiymdar tartylǧan. Tekserısterdıŋ maqsaty – ūşular qauıpsızdıgı men aviasiialyq qauıpsızdık salasyndaǧy zaŋnamanyŋ saqtaluyn qamtamasyz etu. Qazırgı taŋda jūmys jalǧasuda, onyŋ nätijelerı būqaralyq aqparat qūraldary arqyly jariia etıledı», – delıngen prokuratura jauabynda.
