Bügın qazaqtyŋ belgılı kino jäne teatr akterı, rejisser Asanälı Äşımov 88 jasqa toldy, dep habarlaidy «Adyrna» tılşısı.
Äigılı akter 1937 jyly Jambyl oblysynda tuǧan. Ol 1961 jyly Almaty konservatoriiasyn bıtırıp, "Qazaqfilm" kinostudiiasyna ornalasqan. 1964 jyly Qazaq akademiialyq drama teatryna şaqyrylǧan. 1987-1988 jyldary osy teatrdyŋ körkemdık jaǧyn basqarǧan. Teatrda S. Qojamqūlov, S. Maiqanova, Ş. Aimanov, H. Bökeeva, K. Qarmysov syndy öner tarlandarynyŋ şeberlık mektebınen tälım alǧan.
Teatrdaǧy tūŋǧyş rölı M. Äuezov pen L. Sobolevtıŋ "Abai" spektaklındegı — Aidar rölı. Äşımov rejisser retınde de tanyldy. Ol teatrda N. Gogoldıŋ "Revizor", Ǧ. Müsırepovtyŋ "Amangeldı", İ. Orazbaevtıŋ "Men ışpegen u bar ma?!", S. Vanustyŋ "Sūltan bolsam eger men", J. Aimauytovtyŋ "Aqbılek" spektaklderın sahnalady, "Jylan jyly", "Şoqan Uälihanov", "Qozy Körpeş—Baian sūlu" (1995) filmderın tüsırdı.
Öner iesı «Otan» ordenımen, M.V.Lomonosov atyndaǧy, «Altyn qyran» ordenderımen marapattalǧan. KSRO jäne QR Halyq ärtısı, KSRO Memlekettık syilyǧynyŋ laureaty.
