Qazaqstanda alǧaşqy atom elektr stansiiasy Almaty oblysy Jambyl audanyna qarasty Ülken kentınde salynatyny Ükımet qaulysymen bekıtılgen. Atalǧan eldı meken Balqaş kölınıŋ jaǧalauynda ornalasqan. Energetika salasynyŋ mamandary būl oryndy taŋdaudy oŋtüstık öŋırlerge elektr quatyn jetkızudıŋ yŋǧailylyǧymen jäne AES turbinalaryn salqyndatuǧa qajettı su resurstarynyŋ jaqyn boluymen tüsındıredı.
Alaida Balqaş kölınıŋ basty su közı – Ile özenı. Būl özennıŋ bastauy Qytai aumaǧynda jatqandyqtan, halyqaralyq normalarǧa säikes, transşekaralyq özenderde ırı infraqūrylym salu üşın su bölısetın elderdıŋ kelısımı qajet.
Osyǧan bailanysty, «Qazaqstan atom elektr stansiialary» JŞS bas direktorynyŋ orynbasary Rinat Oqasov Qytai tarapymen kelısım turaly sūraqqa tüsınıkteme berdı.
«Qazaqstan atom energetikasy salasynda barlyq halyqaralyq konvensiialarǧa müşe. Qazırgı uaqytta AES qūrylysyna ümıtker kompaniialar qatarynda Qytai korporasiiasy da bar. Sondyqtan Ile özenı boiynşa Qytaimen naqty kelıssöz jürgızgen joqpyz, bıraq būl mäselede aitarlyqtai qiyndyq tuyndaidy dep oilamaimyn», – dedı ol.
