Almatyda qūrylys alaŋynda kran qūlap, bır adam qaza tapty

801
Adyrna.kz Telegram
https://adyrna.kz/content/uploads/2025/06/snimok-ekrana-166-960x500.png?token=be9c18cce39a7de6bac3211b3e673cd7

Almatyda Sätpaev köşesındegı qūrylys alaŋynda mūnaraly kran qūlap, bır jūmysşy qaza tapty, dep habarlaidy "Adyrna" ūlttyq portaly.

Almaty qalalyq polisiia departamentınıŋ mälımetınşe, tötenşe jaǧdai 3 mausym künı saǧat 16:00 şamasynda bolǧan.

Qūrylys jūmystary barysynda mūnaraly kran audarylyp ketken.

«Oqiǧa saldarynan kran operatory qaza tapty. Atalǧan fakt boiynşa Bostandyq audany Polisiia basqarmasyna qarasty polisiia bölımınde qylmystyq ıs qozǧaldy. Qazırgı taŋda özge de män-jailar anyqtaluda», – dep mälımdedı vedomstvo.

Qaza tapqan er adam 61 jasta bolǧan.  Ol kranşy bolyp 15 jyl jūmys ıstegen. Artynda jary men ekı balasy qaldy. Qazır qaza tapqan kranşynyŋ tuystary oqiǧanyŋ qalai bolǧanyn anyqtauǧa tyrysyp jatyr. Olardyŋ aituynşa, qūrylys basşylyǧy tuystarymen bailanysqa şyqpaǧan.

«Keşe keşkı saǧat 18:30-da Bostandyq audanynyŋ polisiiasynan qoŋyrau şalyp, kökemnıŋ qūrylys alaŋynda qaza tapqanyn aitty. Kran qūlaǧan. Bıraq kran qalai qūlady, ne boldy – eşkım aitpai otyr. Bız bügın sol qūrylys alaŋyna bardyq, bıraq ışke kırgızbedı. Basqaruşy direktorǧa qoŋyrau şaldyq – ol da eşteŋe aitpady. Ūiym basşylyǧy bailanysqa şyqpai jatyr. Bärı jasyryn. Bız tergeudıŋ aşyq jürgızıluın talap etemız», – deidı marqūmnyŋ tuysy.

Onyŋ aituynşa marqūmnyŋ mäiıtı älı tuystaryna berılmegen. Qazırgı uaqytta qūrylys alaŋy mörlengen.

Pıkırler