Qazaqstan Respublikasy Konstitusiiasynyŋ 30 jyldyǧyna bailanysty Parlament Mäjılısınıŋ qarauyna raqymşylyq jasau turaly zaŋ jobasy kelıp tüstı, dep habarlaidy "Adyrna" ūlttyq portaly.
Būl bastama deputattardyŋ ūsynysymen, gumanizm qaǧidasy negızınde jäne qylmystyq saiasatty ızgılendıru maqsatynda äzırlengen.
Zaŋ jobasy boiynşa, memleket pen qoǧam qauıpsızdıgıne eleulı qater töndırmeitın qylmystar jasaǧan azamattarǧa raqymşylyq jasalady. Mäjılıstıŋ Zaŋnama jäne sot-qūqyqtyq reforma komitetınıŋ töraǧasy Snejanna İmaşevanyŋ aituynşa, qūjatta äleumettık osal top ökılderın, sonyŋ ışınde kämeletke tolmaǧandardy, jüktı äielderdı, balasy bar analardy, zeinetkerler men mügedekterdı bosatu ūsynylǧan.
Mäjılıs deputaty Ünzila Şapaqtyŋ aituynşa, jalpy 4,1 myŋ adam tolyq bosatylady. Onyŋ ışınde 632 adam – qylmystyq atqaru jüiesı mekemelerınen, 3,5 myŋ adam – probasiia qyzmetınıŋ tızımınen bosatylady. Būdan bölek, jazanyŋ ötelmegen merzımın qysqartu 11 myŋ adamǧa qoldanylady. Olardyŋ qatarynda bas bostandyǧynan aiyru oryndarynda otyrǧan 5,4 myŋ adam men probasiia qyzmetınıŋ esebınde tūrǧan 5,5 myŋ adam bar.
Deputattyŋ sözınşe, 833 äielge qatysty raqymşylyq jasalady. Sonyŋ ışınde 109 äiel tolyq bosatylyp, 724 äieldıŋ jazany öteu merzımı qysqartylady.
