Senat päterdı qolma-qol satyp aluǧa tyiym saldy, dep habarlaidy “Adyrna” ūlttyq portaly.
«Qazaqstan Respublikasynyŋ keibır zaŋnamalyq aktılerıne tūrǧyn üi qūrylysyna ülestık qatysu, avtomobil joldary jäne mügedektıgı bar adamdardy tasymaldau jönındegı qyzmetterdı körsetu mäselelerı boiynşa özgerıster men tolyqtyrular engızu turaly» zaŋ jobasy maqūldandy. Senator Süiındık Aldaşevtıŋ aituynşa, qūjattyŋ maqsaty – ülestık qūrylysty memlekettık tūrǧydan qataŋ baqylauǧa alu, zaŋsyz qūrylys kölemın azaitu, avtojol salasyndaǧy kadrlyq äleuettı küşeitu jäne mügedektıgı bar azamattardyŋ ömır süru sapasyn arttyru. Ülestık qūrylysqa qatysty jaŋa şekteuler engen: • Salynyp jatqan üilerge aldyn ala şart jasauǧa tyiym salynady. • Üleskerlerdıŋ qarjysyn tartuǧa rūqsatsyz jarnama jasauǧa tyiym salynady. • Jergılıktı bilık qūrylys prosesın qataŋ baqylaidy. • Qūrylysy aiaqtalmaǧan üiden ipoteka arqyly mülık satyp aluǧa şekteu qoiylady. • Barlyq kelısım tek qolma-qol aqşasyz jürgızıluı tiıs • Qūrylys merzımın 9 aidan 5 aiǧa qysqartuǧa rūqsat berıledı. Jergılıktı atqaruşy organ rūqsat bergennen keiın, qūrylys saluşylarǧa tūrǧyn üidıŋ qaŋqasy aiaqtalmai tūryp-aq üleskerlerden aqşa tartuǧa mümkındık berıledı. Sonymen qatar, qūrylys saluşynyŋ aktivı boiynşa talaptar 15%-dan 10%-ǧa deiın tömendetıledı. «Būl şaralar adal qūrylys saluşylarǧa üleskerlerdıŋ müddesıne nūqsan keltırmei, jobalardy ikemdı türde qarjylandyruǧa mümkındık beredı», – delıngen zaŋ jobasyn äzırleuşılerdıŋ tüsındırmesınde.
