Taiau Şyǧystaǧy şielenıske bailanysty Air Arabia jäne Flydubai äue kompaniialary Qazaqstan men taǧy bırneşe elge reisterın toqtatty, dep habarlaidy “Adyrna” ūlttyq portaly.
Air Arabia-nyŋ resmi mälımetınşe, 13 jäne 14 mausym künderı İran, İrak, İordaniia, Armeniia, Özbekstan, Äzırbaijan, Gruziia, Qyrǧyzstan men Qazaqstanǧa reister oryndalmaidy. Sonymen qatar keibır baǧyttarda reister keşıktırıluı nemese baǧyty özgeruı mümkın.
Flydubai da būǧan deiın TMD elderıne, sonyŋ ışınde Qazaqstanǧa baǧyttalǧan reisterın toqtatqan bolatyn. Äue kompaniialary mūndai şeşımdı Taiau Şyǧystaǧy qauıpsızdık jaǧdaiynyŋ kürt naşarlauymen bailanystyryp otyr.
«Jolauşylarymyz ben ekipajdyŋ qauıpsızdıgı – bızdıŋ basty basymdyǧymyz. Keltırılgen qolaisyzdyqtar üşın keşırım sūraimyz», – delıngen Flydubai baspasöz qyzmetı taratqan habarlamada.
Sonymen qatar, Air Astana kompaniiasy da jolauşylarǧa ündeu jasap, İzrail men İran arasyndaǧy jaǧdaiǧa bailanysty keibır reister baǧytyn özgertetının habarlady.
Qazaqstannyŋ Aviasiia äkımşılıgı de İran, İzrail, Siriia, İrak, İordaniia jäne Livan elderınıŋ äue keŋıstıgınde ūşuǧa tolyq tyiym salynǧanyn mälımdedı.
Ūqsas jaŋalyqtar
