Otaý qurǵanyma tórt jyl ótse de, qursaq kótermedim. Kómek surap barmaǵan dáriger qalmady. Qalanyń eń bedeldi degen emdeý ortalyqtarynda qaraldym. Odan qaıran bolmaǵan soń tanystarym baryp kór degennen keıin baqsy-qushnashtardy jaǵaladym. Eshqaısysynan qaıran bolmady. Bir kúni aýylǵa dıýana bolyp ketken tanysym keldi. Ol kópten beri áýlıe-ámbelerdiń mazarlarynda túnep, arýaqtarǵa táý etip júr degendi estigenmin. Álgi tanysym bir kúni bizdiń úıge toqtady. Qal-jaǵdaıymyzdy surasqan soń dastarqannan dám tatýǵa shaqyrdym. Ótken-ketkendi eske túsirip, ár nárseniń basyn shalyp áńgime aıttyq. Sodan dıýana aýylǵa ne úshin kelgenin baıandady. “Kıeli Túrkistan men Ońtústiktegi mazarlardy aralap shyqtym. Endi osyndaǵy bes atanyń basyna baryp taǵzym etsem deımin. Biraq meniń “Aqqý”, “Ata joly” tárizdi sektalarǵa qatysym joq. Olarǵa uqsap arýaqtarǵa tabynbaımyn”, – dedi ol. Olaı qulshylyq etpeıtini bar, onda nesine áýlıelerdiń mazaryna baryp júr degen oıǵa qaldym. Sóıtsem, osydan biraz ýaqyt buryn ápkesi aýrýǵa shaldyqqanda atalardyń basyna táý etip, qasıetti sýlardy ishkizip jany aman qalypty.
Túktibaı ata qobyzynyń qasıeti
07.11.2015
3262
Buryn-sońdy mundaı nárselerge senbeıtin edim. Arýaqtarǵa tabynýdy Allaǵa serik qosý dep biletinmin. Biraq eger bul senim aýrýǵa medet bolsa, onda nege baryp kórmeske dep túıdim. Tanysyma osy oıymdy aıtyp edim, ol “qasıetti qobyzdy bilýshi me ediń?” dep surady. Mán-jaıdy surastyrsam, kórshi aýylda ataqty Túktibaı qobyzshynyń amanat etken qasıetti qobyzy bar eken. Sol qobyzdy ustap, shyn peıilimen nıet etken adam maqsat-muratyna jetetin kórinedi.
Kóp ýaqyt ótkizbeı tanysym aıtqan aýylǵa jol tarttym. Ondaǵy Túktibaı ata mazaryn tez-aq taýyp aldym. Shyraqshy qobyz qasıeti týrasynda kóp syr shertti. Túktibaı urpaqtary bul qobyzdy úsh ǵasyrdan beri saqtap keledi eken. Kámpeske kezinde búkil baılyqty typ-tıpyl etken jendetterden tyǵyp búginge jetkizipti.
Qobyzdy kórýge kelgen keı adamdar onyń sarynyn estıtin kórinedi.
Qosh, sonymen, qobyz sarynyn estimesem de, kıeli aspapty óz kózimmen kórip, ustap qaıttym. Kóne qobyzdy qolyma alǵanymda “ana bolǵym keledi” dep medet ettim. Shyraqshy da Túktibaı qobyzyn shyn peıilimen ustap nıet etkenderdiń armany oryndalatynyn aıtty.
Úıge jetken soń boıymdy erekshe sezim bıledi. Buǵan deıingi kúdik-kúmán, barlyq jaǵymsyz áserlerden bir sátte aıyrylǵandaı boldym. Boıymda senimdilik, úmit oty paıda boldy. Birer aıdan soń boıyma bala bitkenin bildim.
Qazir kezinde onsha-munsha sene bermeıtin tylsym dúnıege nanyp, qasıetti qobyzdy ustap kórgenime qýanamyn. Eger sol kezde kıeli kúshke senim bildirip, nıet etpesem, búgin bir balanyń anasy bolar ma edim, bolmas pa edim, kim bilsin.
Aına Esimbek,
Almaty oblysy,
«Jas Alash».
Pikirler
Basqa materıaldar
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз