Bügın, 27 aqpan künı Aqmola oblysy Talapker auylynda ekı kün būryn Nūr-Sūltandaǧy tergeu izoliatorynda qaitys bolǧan belsendı Dulat Aǧadıldı soŋǧy saparǧa şyǧaryp saldy.
Almatydan topyraq saluǧa bara almaǧan, qoǧamdyq belsendınıŋ jūmbaq ölımıne aşulanǧan jūrtşylyq oŋtüstık astananyŋ Respublika alaŋynda narazylyq şarasyn ötkızdı.
Bır saǧatqa sozylǧan qaraly mitingıden keiın köpşılık 22 aqpan künı mitingıde qamalǧandardy bosatu turaly talappen qalalyq prokuraturany betke aldy.
Prokuraturanyŋ aldyndaǧy "prokuror şyq" dep aiqailaǧan talapşyl topqa qala prokurorynyŋ orynbasary men kömekşısı şyǧyp, belsendılerdıŋ ökılderın qabyldauǧa, kelıssöz jürgızuge äzır ekendıkterın bıldırdı. Bıraq prokurordyŋ özı kelsın degen halyq talabynan keiın orynbasar men kömekşı ışke kırıp kettı. Prokuror da köp aldynda boi körsetpedı.
Būǧan narazylyq tanytqan jinalǧan jūrt qalalyq äkımdıktı betke aldy. Baǧanadan berı halyqtyŋ qimylyn baqylap kele jatqan arnaiy kölıktegı polisiianyŋ arnaiy jasaǧy äkımdıktıŋ aldyn qorşap ülgerdı.
Jasaral Quanyşälin bastaǧan belsendıler "Saǧyntaev şyqsyn, sosyn baryp talaptaryn aitatynyn" mälımdedı. Äkımdıktıŋ ökılı şyqqanymen onymen kelıssöz jürgızuden bas tartqan belsendıler äkım şyqpai tūra beretınderın aitty.
Äkımnıŋ ornynda joq ekenın taǧy bır kelıp mälımdegen äkımdıktıŋ ökılınıŋ sözınen keiın Dulat Aǧadıldıŋ ruhyna Qūran baǧyştaǧan köpşılık 1 nauryz künı qaitadan äkımdık aldyna jinalmaq bolyp tarqady.
https://youtu.be/LC4KR2zw8Zs
Oŋǧar Qabden,
"Adyrna" ūlttyq portaly
