ALMA SAILAÝQYZY: Oqyńyzdar, toqyńyzdar, qyzdar, sińlilerim!

07.03.2020

2977

Kesheden beri dúıim eldi dúrliktirgen "Marker" taqyrybyna núkte qoıatyn kez kelgen sııaqty. Omar Jaleluly aǵamyzdy "durys túsinbeı qalǵanymyzdy" dáleldegisi kelip baqqan, túıeni jabýmen jasyrǵysy kelip ábigerge túsken sanaýly jandardan basqa, negizgi basym kópshilik onyń dóreki teńeý jasaǵanyn moıyndap otyr. Eń qýantatyny, men kórgen synı pikirlerdiń kóbin ER AZAMATTARYMYZ jazǵan eken. Esesine keıbir áıelder óz qyzdaryn ózderi jerge alyp uryp, oqymaı-aq baıǵa tısin dep ózeýregeni shoshytty... Aldynda ǵana "Taýar" taqyrybyna eshteńe demesem de, bul joly bir aýyz pikirimdi bildirgendi jón kórdim. ÓITKENI, bir úıde bir ul, úsh qyz óstik, al ASYL ÁKEMIZ bizdi QÝANYShQA, OTBASYNYŃ NURYNA, ShATTYǴYNA teńeıtin. "Qudaı bere salǵan qyzdarym!" dep erkeletetin. Bárimizge "Oqyńdar, toqyńdar, sosyn súıgenderińe qosylyńdar. Eń bastysy, qolymnan uzatyp alyp ketse bolǵany", deıtin. Allaǵa shúkir, úsh qyz úsh júzdiń azamatyna turmysqa shyǵyp, ár shańyraqtyń berekesin kirgizip otyrmyz.
SONYMEN QATAR, ózim de kópbalaly anamyn. Onyń úsheýi - QYZDAR. Kózimizdiń nury, aqyl tunǵan altyndarymyzdy tóbemizge kóteremiz. ÓITKENI qazirden otbasy meıirimi men mahabbatyn sezinip ósken qyz ǵana ERTEŃGI KÚNI BARǴAN JERIN BAQYTTY ETE ALATYNYNA BEK SENIMDIMIZ. Ulttyń keleshek tárbıesi qyzdarda ekeni ras bolsa, aıaly alaqanymyzdaǵy gúlderimizdi qadirlep, JANYN JARALAR SÓZ AITPAǴANDA ǴANA, keleshekte oqý-bilimmen sýsyndaǵan kózi ashyq qazaq qyzy, aıaýly ana, ıbaly kelin etip tárbıeleı alamyz.
Menen kópbalaly ana bola otyryp, jumysyńa da úlgerip, qonaǵyńdy da kútip, tárbıeni de berip, ózińdi de damytyp: doktorantýrany sátti oqyp, ǵylym-bilimge qalaı ýaqyt taptyń dep jıi suraıdy.
Jaýabym: ASYL AZAMATYM, JAR QADIRIN BILETIN OTAǴASYMNYŃ DEMEÝI men ul-qyzymnyń aldynda laıyqty úlgi bolaıyn degen ERIK-JIGERIMNIŃ ARQASYNDA! Qazir kózi ashyq jigitterge de ózine saı kózi ashyq qyzdar kerek. Sondyqtan, oqyńyzdar, toqyńyzdar, qyzdar, sińlilerim! ÁJELERIMIZDE TAŃDAÝ BOLǴAN JOQ, áıtpese, bári oqyr edi. Eshkimniń tuqyrtýyna jol bermeńizder! Aldymen tek mansapty oılaıtyn Eýropa áıeline de eliktemeńizder. On jastan asar-aspasta áke-sheshesi kúıeýge berip jiberetin, sosyn tek kúıbeń tirshilikten kóz ashpaı, sanasy damymaǵan kúıde kúıbeńdep ótetin arab-úndi-aýǵan modeline de qyzyqpańyzdar.
Bizdiń ult (ázirge) asa kóp bolmasa da, SAPALY BOLÝ KEREK. OL ÚShIN ulymen qatar qyzy da bilimdi, senimdi, kókiregi oıaý bolýy kerek. Eń bastysy, ulttyq ózekterińizge nár berip otyrsańyzdar, zamannyń kez kelgen talabynyń údesinen shyǵatyndaryńyzǵa shyn kóńilden senem!

Facebook - парақшамызға жазылыңыз!