Búgin, 10 naýryz - qazaq kınosynyń jaryq juldyzy, "Qyz Jibek" fılimi arqyly kúlli qazaqqa tanylǵan akter Quman Tastanbekovtyń týǵan kúni.
Quman Nurmaǵanuly Tastanbekov 1945 jyly 10 naýryzda Almaty oblysy Sarqant aýdany Ekiasha aýylynda dúnıege kelgen. Akter, QR-nyń halyq artısi (1993 j.). 1969 jyly Almaty memlekettik óner ınstıtýtynyń (qazirgi Qazaq ulttyq konservatorııasy) akterlik fakýltetin (ustazy – professor H.Bókeeva) bitirgen soń, Qazaqtyń memlekettik akademııalyq drama teatrynyń quramyna qabyldandy. Onyń alǵash oınaǵan róli – “Qyz Jibek” fılmindegi Tólegen (1970 j.). Budan keıin “Qys – mazasyz maýsym”, “Aǵam meniń”, “Erekshe kún”, “Aqqýlar ushyp keledi”, “Mahabbat jańǵyryǵy”, “Aǵama arnalǵan qalyńdyq”, “Qarasha qazdar qaıtqanda”, “Provınııalyq hıkaıa”, “Alań sheti”, “Órnek”, t.b. fılmderine tústi.
Ol teatr sahnasynda Qasym, Qulbek (Sh.Aıtmatov, “Ana – Jer-ana” men “Aq kemesi”), Álibek, Narsha, Abyz (M.Áýezov, “Aıman – Sholpan”, “Qaragóz” ben “Eńlik – Kebek”), Táńirbergen (Á.Nurpeıisov, “Qan men ter”), Jan (O.Bókeev, “Qulynym meniń”, Qazaqstan Lenın komsomoly syıl., 1976), Aıdar (Áýezov pen L.S. Sobolev, “Abaı”), Mazdaq (M.Shahanov, “Senim patshalyǵy”), Orest (L.Dıýrko, “Elektra, súıiktim meniń”), Florıdor (F.Erve, “Túlki bıkesh”), Farhad (Nazym Hıkmet, “Farhad – Shyryn”), t.b. sekildi ár alýan rólderdi somdady.
«Qurmet» ordenimen marapattalǵan. Qazaqstan Lenın komsomoly syılyǵynyń ıegeri.
