42 500 teŋge äleumettık tölemı taǧaiyndalmaǧan azamattardyŋ ötınışterın qaita qarau tärtıbı bekıtıldı. Būl turaly adyrna.kz Eŋbek ministrlıgınıŋ baspasöz qyzmetıne sılteme jasap habarlaidy.
"42 500 teŋge" tölemı taǧaiyndalmaǧanmen kelıspeitın azamattardyŋ ötınışterıne bailanysty Qazaqstan Respublikasynyŋ Eŋbek jäne halyqty äleumettık qorǧau ministrlıgı tötenşe jaǧdai kezeŋınde tabysynan aiyryluyna bailanysty Memlekettık äleumettık saqtandyru qorynan tölemder taǧaiyndau qaǧidalaryna joǧaryda körsetılgen tölem taǧaiyndalmaǧan azamattardyŋ ötınışterın qarau algoritmın retteitın tüzetuler engızdı, - delıngen habarlamada.Būryn "42 500 teŋge" äleumettık tölemın taǧaiyndaudan bas tartu turaly şeşım qabyldanǧan ötınışterdı qaita qarau üşın audandyq (qalalyq) ştabqa rastaityn qūjattarmen qosa tiıstı ötınış beru qajet. Ötınış berıledı: Jūmys beruşı tarapynan – ŞOB, ırı käsıpkerlık (karantin engızılgen öŋırlerde), kommersiialyq emes zaŋdy tūlǧalar üşın. Būl rette ötınış tek äleumettık tölem taǧaiyndaudan bas tartu (toqtatu) turaly şeşım qabyldanǧan qyzmetkerler üşın berıledı. Öz betınşe – äleumettık tölemdı taǧaiyndaudan bas tartu (toqtatu) turaly şeşım qabyldanǧan jeke käsıpkerler, jeke praktikamen ainalysatyn adamdar, BJT töleuşıler, azamattyq-qūqyqtyq sipattaǧy şarttar boiynşa jūmys ısteitın adamdar. Rastaityn qūjattar tızbesı: Qyzmetkerlerı üşın qūjattar beretın jūmys beruşıler üşın: - jalaqysy maqtalmaityn demalysqa jıberu turaly būiryqtar; - jūmys beruşınıŋ TJ kezeŋınde kırısın joǧaltu faktısın rastaityn qūjattar (banktık şottardan üzındılerdı qosa alǧanda, qarjylyq jäne özge de eseptılık, buhgalterlık balans jäne basqa qūjattar); - memlekettık kırıster organdary qabyldaǧan deklarasiia (MKK-men salystyru üşın, 200-nysan). JK jäne jeke praktikamen ainalysatyn adamdar üşın: - memlekettık kırıster organdary qabyldaǧan deklarasiia (MKK-men salystyru üşın, 200-nysan); - tabystyŋ joǧaltu faktısın rastaityn qūjattar (banktık şottardan üzındılerdı qosa alǧanda, qarjylyq jäne özge de eseptılık, buhgalterlık balans jäne basqa da qūjattar). AQS şarttar boiynşa jūmys ısteitın adamdar üşın: - zaŋdy tūlǧamen jasalǧan jūmystardy oryndauǧa (qyzmet körsetuge) arnalǧan AQS şarty. Ūsynylǧan qūjattardy qaraǧannan keiın audandyq (qalalyq) ştab "42 500 teŋge" äleumettık tölemın taǧaiyndauǧa qūqyǧy bar/joǧy turaly qorytyndy şyǧarady. Oŋ qorytyndy "Azamattarǧa arnalǧan ükımet" memlekettık korporasiiasy" KEAQ bölımşesıne berıledı, ol "Ötınış beruşınıŋ elektrondyq ıs maketın" qalyptastyrady jäne derekterdı MÄSQ filialyna beredı. MÄSQ filialy äleumettık tölem taǧaiyndau nemese taǧaiyndaudan bas tartu turaly şeşım qabyldaidy. Audandyq (qalalyq) ştabtyŋ qorytyndysymen nemese MÄSQ filialynyŋ şeşımımen kelıspegen jaǧdaida, ötınış beruşı rastaityn qūjattarmen audandyq (qalalyq) ştabtyŋ jūmys organy arqyly oblystyq (qalalyq) ştabqa jügınedı. Oblystyq (qalalyq) ştab "42 500 teŋge» äleumettık tölemın taǧaiyndau qūqyǧynyŋ bar/joǧy turaly qorytyndy şyǧarady. Oŋ qorytyndy "Azamattarǧa arnalǧan ükımet" memlekettık korporasiiasy" KEAQ bölımşesıne jäne odan ärı MÄSQ filialyna berıledı. Karantin talaptaryn eskere otyryp, adamdardyŋ jappai jinaluyna jol bermeu maqsatynda ötınışter 2020 jylǧy 1 jeltoqsanǧa deiın qaralatyn bolady.
Ūqsas jaŋalyqtar
