Qūqyq qorǧau organdary şeteldık gumanitarlyq kömektıŋ maqsatty jäne aşyq jūmsaluyna da tekseru jürgızıp jatyr
Sybailas jemqorlyqqa qarsy ıs-qimyl agenttıgı medisina salasynda biudjet qarjysyn jymqyru faktısı boiynşa üş qylmystyq ıstı tergep jatyr.
"Qazırgı uaqytta Sybailas jemqorlyqqa qarsy ıs-qimyl agenttıgı "Medisinalyq saqtandyru qory" kommersiialyq emes aksionerlık qoǧamynyŋ lauazymdy tūlǧalarynyŋ biudjet qarjysyn jymqyru, jekelegen tūlǧalardyŋ ırı kölemde medisinalyq betperdelerdı satu, sondai-aq, medisina mekemelerınıŋ jekelegen basşylarynyŋ asa ırı kölemde biudjet qarjysyn jymqyruǧa tyrysu derekterı boiynşa üş qylmystyq ıstı tekserıp jatyr", - dep habarlady Aqorda.Sonymen qatar, qarjy ministrlıgınıŋ ekonomikalyq tekseru qyzmetı koronaviruspen küreske bölıngen asa ırı kölemdegı memlekettık qarjyny alaiaqtyq jolmen jymqyru deregı boiynşa qylmystyq ıstı tekserude. Qauıpsızdık keŋesınıŋ apparaty men prezident äkımşılıgınıŋ ūsynysy boiynşa qūqyq qorǧau organdary koronavirus ındetımen küreske baǧyttalǧan şeteldık gumanitarlyq kömektıŋ maqsatty jäne aşyq jūmsaluyna tekseru jürgızudı bastady. Därı-därmekterdı jasyru jolyn kesu, baǧa kelısımı, gumanitarlyq kömek retınde kelgen nemese emdeu mekemelerınen ūrlanǧan därı-därmekterdı qaita satu siiaqty äreketterdıŋ aldyn alu şaralary jalǧasuda.
Ūqsas jaŋalyqtar
