Abaı Qunanbaıulynyń mereıtoıy Jambyl jastaryna shabyt syılady

2694
Adyrna.kz Telegram
Búgin Jambyl oblysy ákimdigi Ishki saıasat basqarmasynyń tapsyrysymen «Adyrna» ulttyq-etnografııalyq birlestigi Abaı Qunanbaıulynyń 175 jyldyq mereıtoıyna oraı "Ǵylym tappaı maqtanba" delfıılik oıyndary men «Máńgilik eldiń tulǵalary» atty esse jazý ınternet-baıqaýynyń marapattaý rásimin ótkizdi. Sharaǵa Jambyl oblysynyń jáne Taraz qalasynyń 14-35 jas aralyǵyndaǵy turǵyndary qatysty. Soǵan oraı qos birdeı baıqaýdyń jeńimpazdary Taraz «Jastar» qabilet ortalyǵynda marapattaldy. Marapattaý rásiminiń shymyldyǵyn Jambyl oblysy ákimdigi Ishki saıasat basqarmasynyń basshysy Beısenqulov Daýyl Yntyqbaıuly ashyp, ary qaraı sóz kezegin ult múddesi jolynda qoǵamdyq eńbek etip júrgen Adyrna» ulttyq-etnografııalyq birlestiginiń prezıdenti Áýbákir Arman Serikuly jalǵap, jastardy jalyndy sózdermen demedi.
Karantındik mezgilde shyǵarmashylyq turǵydan damý kerek dep túıgen bolý kerek, «Ǵylym tappaı maqtanba» atty delfıılik oıyndaryna 60 qatysýshy belsendi qatysyp, ishinen 17 jeńimpaz oq boıy ozyq shyqsa, «Máńgilik eldiń alyp tulǵalary» baıqaýynan 3 jeńimpaz anyqtaldy. Júldeli oryndardan bólek, qatysýshylardyń yntasyna qarap 2 avtorǵa yntalandyrý syılyqtary taǵaıyndaldy.
Sondaı-aq, marapattaý rásimi aıaqtalǵannan keıin jastardy orta ǵasyrdyń qundy týyndylarymen tanystyrý maqsatynda ál-Farabıdiń 1150 jyldyǵyna arnalǵan ǵylym jáne tehnologııalar kórmesi ótti.
"Adyrna" ulttyq portaly
Pikirler