Kúnine qansha mólsherde qant tutynýǵa bolady?

4233
Adyrna.kz Telegram

Maman keńesi: Kúnine qansha mólsherde qant tutyný kerek?

Siz shokolad pen konfet jeýdi toqtatqanyńyzben, qant sizdiń sońyńyzdan esh qalmaıdy. Sebebi, quramynda qanty bar zattardyń tizimi tym kóp: bal, ıogýrt, jemister...jalǵasyp kete beredi. Qanttyń da aǵzaǵa paıdasy bar, biraq ol mólsherden asyp ketpeýi tıis. Sonymen, siz kúnine qansha qant jeı alasyz?

Qantty durys tańdańyz 

Qant ornyna tabıǵı jemis, bal, sırop sekildi tátti zattardy paıdalanǵanyńyz durys. Mysaly, qurma shokoladtan táttiligi jaǵynan esh kem túspeıdi, jáne onyń quramynda mıkroelementter men talshyqtar kóp. Aq qanttan túbegeıli bas tartqan jón. Sondaı-aq, qant qosylǵan taǵamdardy da paıdalanbaǵanyńyz abzal.

Ólshemdi dáıim qadaǵalańyz

Ortasha alǵanda, adam kúnine 19 shaı qasyq qant mólsherin paıdalanady eken. Bul shamamen 300 kalorııany quraıdy. Qanttyń mundaı kóp mólsherde bolýy desert, jemis-jıdek, jarma, ózge de zattardyń quramynda bolýynan.

Kúnine qansha mólsherde qant jeýge bolady?

          Málimetter boıynsha kúnine bir ret jeýge bolatyn qanttyń eń kóp mólsheri:

          Er adamdar: kúnine 150 kalorııa (37,5 g nemese 9 shaı qasyq);

          Áıelder: kúnine100 kalorııa (25 g nemese 6 shaı qasyq).

          Tamaq raıonyńyzǵa qant qosýdyń eshqandaı qajeti joq: qantty qanshalyqty az tutynsańyz, soǵurlym densaýlyǵyńyzǵa paıdaly bolady.

Eger qantty kóp tutynsańyz

Qantty kóp tutynatyn adamnyń kóńil-kúıi qubylmaly bolady. Artyq qant, ásirese joǵary glıkemııalyq ındeksi bar taǵam bezeýdiń órshýi men ájimderdiń erte paıda bolýyna ákeledi. Uzaq merzim boıy qanty kóp taǵamdardy tutyný ártúrli qabynýlardy, artyq salmaqty, júrek jetispeýshiligi men qant dıabeti sııaqty sozylmaly aýrýlardy týdyrady. Dıetologtardyń aıtýynsha, sút pen jemisterden azǵaǵa keler zııan joq, al qanttan keler «jaý» kóp.

Aıjan PERDEBEKQYZY,

«Adyrna» ulttyq portaly

Pikirler