2 millionǧa juyq adam tūraqty tūratyn Almaty qalasy elımızdıŋ eŋ ırı ekonomikasy sanalady. Biudjetke tüsetın tüsımderdıŋ 23,4 paiyzy, bankterdıŋ kredittık portfelınıŋ 62,4 paiyzy, el ışındegı sauda operasiialarynyŋ 38 paiyzy Almatyda jüzege asyrylady. Qazaqstan ekonomikasynyŋ 19,6 paiyzy Almatynyŋ enşısınde. Sonymen qatar, elımız boiynşa jūmys ısteitın halyqtyŋ şamamen 15 paiyzyn jūmyspen qamtamasyz etedı. Qarjy ortalyǧy sanalatyn qalaǧa kündelıktı 500 myŋǧa juyq adam kırıp-şyǧady. Sol sebeptı Almaty äkımdıgıne ekonomikalyq körsetkışın jaqsarta tüsu men infraqūrylymyn damytudyŋ tüsudıŋ maŋyzy zor.
Būrynǧy äkım ne ıstedı?
Qala äkımı bolyp Baqytjan Saǧyntaev kelgenge deiın Bauyrjan Baibek halyqtyŋ jürıs-tūrysyna yŋǧaily bırneşe oŋtaily şeşımder qabyldady. Onyŋ alǧaşqysy – negızgı köşelerde qoǧamdyq kölık jolaǧynyŋ salynuy. Būl öz kezegınde kölıgı köp megapolistıŋ tūrǧyndaryna jeter jerıne būrynǧydan qaraǧanda tezırek jetuıne septıgın tigızdı. Kölık apaty azaidy. Ortalyq köşelerdıŋ boiynan velojoldar aşyldy. Panfilov köşesınıŋ syrt kelbetı özgertılıp, jaiau jürgınşılerge laiyqtaldy. Qazır būl köşe seruen qūruşylar üşın öte qolaily bolyp otyr.
Qala ortalyǧynda aqyly avtotūraqtardyŋ aşyluy men barlyq mekemelerdıŋ qorşaularyn alyp tastauy, sondai-aq qoǧamdyq kölıkterdıŋ «Oŋai» tölem jüiesıne köşırıluı syndy jūmystar öz tiımdılıgın däleldedı. Sporttyq jäne mädeni nysandardyŋ salynu da qala körkıne sän qosyp, jūrtşylyqtyŋ demalys uaqytyn jaqsy ötkızuıne jaǧdai jasady. Atap aitsaq, elegı epidemiologiialyq jaǧdaidy eseptemegende «Almaty-Arena», «Halyq-Arena» sporttyq nysandary men «Alatau» dästürlı öner teatry halyq igılıgıne qyzmet etude.
Qazırgı äkımnıŋ aldynda qandai mındetter bar?
Tırşılıgı qyz-qyz qainaǧan Almatynyŋ bas auyrtar bır tūsy – ataqty «Altyn Orda» bazarynyŋ tas joly etın. Almaty qalasy men Qarasai audanynyŋ tūrǧyndaryn bailanystyratyn (ärı respublikalyq maŋyzdy jol – red.) küre jol keŋeitılıp, halyq biylǧy jyldyŋ soŋyna deiın keptelıs azabynan qūtylatyn boldy. Mamandar «Altyn Orda» keptelısınıŋ joiuyluyn tūrǧyndarǧa jailylyǧymen qatar ekonomikalyq tiımdılık äkeledı dep boljap otyr.
Qazır qala basşylyǧynyŋ aldynda:
- şet aimaǧy joq qala;
- «aqyldy» qala;
- teŋ mümkındıkter qalasy
- qauıpsız qala;
- jahandyq ıskerlık ortalyq
- mädeni kreativtı qala sekıldı josparlar bar.
Baqytjan Saǧyntaev "Almaty - 2050" strategiiansynda qalany älemdegı eŋ damyǧan 100 qalanyŋ qataryna qosatynyn mälımdegen.
Qazır qala basşylyǧynyŋ aldynda:
- şet aimaǧy joq qala;
- «aqyldy» qala;
- teŋ mümkındıkter qalasy
- qauıpsız qala;
- jahandyq ıskerlık ortalyq
- mädeni kreativtı qala sekıldı josparlar bar.
Baqytjan Saǧyntaev "Almaty - 2050" strategiiansynda qalany älemdegı eŋ damyǧan 100 qalanyŋ qataryna qosatynyn mälımdegen.
"Adyrna" ūlttyq portaly
Ūqsas jaŋalyqtar
