Shymkent qalasy Ál-Farabı aýdanynda kásipkerlik salasy qarqyndy túrde damyp keledi. Atap aıtqanda, bıyl aýdan aýmaǵynda 24 iri kásipkerlik nysany salynýda. Alǵashqy 9 aıda 13 nysannyń qurylysy aıaqtalyp, iske qosylǵan.
Bul týraly Shymkent qalasynyń qala ákimi Murat Áıtenovke 9 aıda atqarylǵan jumystar jóninde esep bergen Ál-Farabı aýdanynyń ákimi Ǵabıt Máýlenqulov baıandady.
Aýdan ákiminiń aıtýynsha, kásipkerlik nysandarynyń qurylysy kezinde jáne olar iske qosylǵannan keıin 548 adam jumyspen qamtylǵan. Jalpy, osy nysandardyń qurylysyna 4 mıllıard teńge ınvestıııa tartyldy.
Búginde qalǵan 11 nysannyń qurylysy jalǵasýda. Olardyń arasynda ortalyq «Qyrǵy bazar» men «Darhan» bazaryn qaıta jańǵyrtý jumystary bar.
«Darhan» bazaryndaǵy kúrdeli qurylys jumystary 2020 jyly bastalyp, 2021 jyldyń jeltoqsan aıynda aıaqtalady dep josparlanýda. Qurylys jumystaryna «Bıznestiń jol kartasy – 2025» baǵdarlamasy aıasynda «Damý» kásipkerlikti damytý qory arqyly 100 mln. teńge sýbsıdııa bólingen.
Esep berý kezinde Ǵabıt Patshahanuly qala ákimine kóp qabatty turǵyn úılerdiń aýlasyn abattandyrý, turǵyn-úı kommýnaldyq sharaýashylyqty damytý, joldardy jóndeý, shalǵaı eldi mekenderdi kórkeıtý jáne qysqy jylytý maýsymyna daıyndyq jumystary týraly baıandady.
Shymkent qalasy ákiminiń baspasóz qyzmeti
