Shymkent qalasynda aýyl sharýashylyǵy salasyna memlekettik qoldaý kórsetý maqsatynda bıyl 3 mlrd 491 mln teńge sýbsıdııa bólingen. Búgingi tańda josparǵa sáıkes 9 aı kóleminde 1 mıllıard teńgeden astam qarjy tolyǵymen ıgerildi.
Shymkent qalasynyń aýyl sharýashylyǵy jáne veterınarııa basqarmasy mamandarynyń aıtýynsha, egin sharýashylyǵyna - 89,8 mln teńge, mal sharýashylyǵyna - 230,4 mln teńge, qaıta óńdeý salasyna – 274,2 mln teńge, ınvestıııalyq sýbsıdııa baǵytyna – 648,4 mln teńge, aýyl sharýashylyǵy malyn, tehnıka jáne tehnologııalyq jabdyqty satyp alýǵa kredıt berý, sondaı-aq lızıng kezinde syıaqy mólsherlemesin sýbsıdııalaýǵa – 67 mln teńge sýbsıdııa berilgen.
Nátıjesinde osy jyldyń qańtar-qyrkúıek aılarynda aýyl sharýashylyǵynyń jalpy ónim kólemi 27 mlrd teńgege jetti. Bul kórsetkish ótken jyldyń tıisti kezeńimen salystyrǵanda 2,6 mlrd teńgege artqan.
Sonymen qatar bólshek saýda kólemi 284,8 mlrd. teńgeni qurap, saýda kóleminiń ındeksi 102,7% qurady.
! Taqyrypqa qatysty saýaldaryńyz bolsa, aýyl sharýashylyǵy jáne veterınarııa basqarmasyna 8(7252) 24-75-40 nómirine habarlasa alasyzdar.
Shymkent qalasy ákiminiń baspasóz qyzmeti
