Volonterlik–qazaqtyń qanynda bar qasıet. Al qasıetten aıyrylý–qasiret. Nur-Sultan qalasy Jastar saıasaty máseleleri basqarmasynyń tapsyrysymen «Adyrna» ulttyq-etnografııalyq birlestigi» QQ-y «Volonterlik bastamalardy qoldaý» jobasy aıasynda 22 belsendi jasqa 300 000 teńge kóleminde qarajat tabystaǵan edi. Árıne, qarajat jeke-bas qajettiligine emes, qoǵamdaǵy túıitkildi máselelerdi sheshýge jumsalýda. Máselen, Sharımov Alpamys esimdi jas «TAZALIKE» jobasyn sátti atqaryp, joba aıasynda 70 shaqty Elorda turǵyndary tazalyqpen jumystarymen aınalysyp, jarysty. Jeńimpaz toptar 1,2,3 dárejeli dıplommen jáne baǵaly syılyqtarmen marapattaldy. Nátıjesinde qalanyń kórkeıýine kóńil bólgen jastar 2 tonna 40 kg qoqys jınady.
Al Kerim Beksyrǵauly esimdi jastyń múgedektigi bar bolsa da, Elorda turǵyndaryne tegin massaj, gıtara jáne karate úıretýde. Tipti úıretip qana qoımaı múmkindigi shekteýli jandarǵa gıtarany syıǵa da tartty.
Ol, ol ma? Úmbetova Nurdana «Glınoterapııa» atty jobany qolǵa alyp, áleýmettik osal sanattaǵy 50 balaqaıǵa saz, balshyq, kesekten túrli qumyra, ydys-aıaq, oıynshyqtardy músindeýge baýlyp jatsa, LIDER.KZ uıymynyń jastary joǵalǵan adamdardy izdestirý jáne alǵashqy medıınalyq kómek jumystarymen aınalysýda.
Al Polına Shýt «Meıirimdi júrek» jobasynyń aıasynda jan-janýarlarǵa 700 kıllogram azyq alyp, bólip berip qana qoımaı, naýqastanǵandaryna em-shara da qoldandy.
Eń úzdik jobanyń taǵy bir ıesi 16 jastaǵy Murat Jáńgir – balalar úıiniń tárbıelenýshilerine arnap tegin gıtara úıirmesin ótkizýde. Odan bólek, ZOOM platformasynda aǵylshyn tilinen dárister de júrgizýde. Elordadaǵy Balalar úıi men SOS balalar aýylynda bolyp qaıtqan eń jas volonter NZM oqýshylarymen birge óz ónerlerin kórsetip, balalarǵa gıtara aspaptaryn tabystady.
Sálimgereev Aıan esimdi jas volonter «Qaıyrymdylyq» jobasyn iske asyryp, joba nátıjesinde az qamtylǵan, turmystyq jaǵdaıy múshkil otbasylarǵa azyq-túlik, turmystyq-hımııalyq zattar, tátti-dámdi taǵamdarmen qamtamasyz etti.
Osy syndy birinen biri ótken jobalar kózi qaraqty qaýymnyń kóńiline jubanysh syılary–aqıqat. Endeshe atalǵan jobalaryn aldaǵy ýaqytta da atqarar degen senimmen erikti túrde qoǵamdyq ortada aqysyz qyzmet etip júrgen jas volonterlerge sát-sapar tileımiz!
«Adyrna» ulttyq portaly
