Elordada eki aıǵa sozylǵan komandalyq shahmattan BAQ ókilderi arasyndaǵy chempıonat óz máresine jetti. Alǵashqy maýsymnyń sheshýshi oıyndary ótip, «Adyrna» komandasy jeńiske jetti.
BAQ lıganyń basqa básekelerden aıyrmashylyǵy – munda tek BAQ ókilderi qatysa alady. Alǵash 2016 jyldyń jeltoqsanynda bastalǵan jobaǵa búginge deıin 70-ten astam BAQ redakııalarynan 1000-ǵa jýyq BAQ ókilderi qatysty.
BAQ ókilderi arasynda alǵash ret ótken komandalyq shahmat chempıonatyna elimizdiń ártúrli jýrnalısterinen quralǵan 6 komanda qatysty. Toptyq týrnırdiń nátıjesinde jartylaı fınalǵa joldama alǵan 4 komanda belgili boldy. Olar: «Qazmedıa» ortalyǵy, «Dıxınews.kz» saıty, «Qazaqstan» ulttyq arnasy jáne «Adyrna» ulttyq portaly.
Komandalyq shahmattyń klassıkalyq shahmattan ereksheligi – munda bir taqtada 4 oıynshydan bólingen eki komanda oınaıdy. Partııa 36 júristen turady. Alǵashqy 12 júriste oıynshylar bir-birimen aqyldaspaı, kezegimen júredi. Kelesi 12 júriste ózara talqylasýǵa múmkindik alady. Eger osy aralyqta da jeńimpaz anyqtalmasa, onda sońǵy 12 júris bolyp, oıynshylar bir-birimen aqyldaspaı júredi. Ár komanda quramynda kem degende bir áıel jýrnalıst bolýy kerek.
«Chempıon boldyq, týrnırdiń «Myrzasy» da atandyq, tipti «Qurmet» nomınaııasyn da aldyq. Ne kerek basqa? Endi Eýropaǵa kete berýge bolady! Baqliga shahmat týrnıri eki aı degende máresine jetti. Arman Áýbákir bastaǵan «Adyrna» komandasy úzdik atandy. Fınalda Qazaqstan telearnasyn jeńdik. Negizgi favorıt qarsylas Kazmedia edi, olardyń asyǵy alshysynan túspedi.
Ázız Jumadil myqty shoý-týrnır uıymdastyra aldy. Kelesi maýsymda komandalar sany budan da kóp bolary sózsiz, áriptester, osy bastan daıyndalyńyzdar», - dep áleýmettik jelide jazba jarııalady komanda oıynshysy Asqar Bekov.
Komandalyq shahmattan BAQ lıga birinshi maýsymynyń basty aqparattyq qoldaýshysy - «Adyrna» ulttyq portaly. Agenttik basshysy, komanda jetekshisi Arman Áýbákir joba jaıly:
«Baqliga uıymdastyrǵan shahmat jarysy keremet deńgeıde ótýde. Emoııaǵa, stress pen qýanyshqa toly tartysty oıyn ótip jatyr. «Adyrna» ulttyq portaly da osy oıynǵa óz komandasyn qosyp jatyr, sondaı-aq aqparattyq demeýshilerdiń qatarynda. Iaǵnı biz de saıysqa óz úlesimizdi qosyp jatyrmyz. Osyndaı mándi ári qyzyqty oıyndar bolashaqta ary qaraı jalǵasyn tabýyna tilektespiz», - dep pikirin bildirdi.
«Adyrna» ulttyq portaly
