Nur-Sultan qalasynda «Zerdeli» aqyl-oı damytý ortalyǵynyń uıymdastyrýymen VI kezekti «Altyn saqa» matematıkalyq onlaın olımpıadasy ótedi, dep habarlaıdy “Adyrna” ulttyq portaly zerdeli.kz-ke silteme jasap.
Jyl saıynǵy dástúrge aınalǵan olımpıada bıyl Astana hub kesheninde ornalasqan sońǵy tehnologııalarmen jabdyqtalǵan zamanaýı stýdııada onlaın rejımde ótetin bolady.
Bul jolǵy «Asltyn saqa» «Astana daryny» daryndylyqty damytý jáne psıhlogııalyq súıemeldeý ortalyǵymen birlesip ótkizilmek.
Qalalyq deńgeıde ótetin bilim saıysyna Nur-Sultan qalasy bilim berý mekemeleriniń 5-6 synyp oqýshylarynan iriktelgen 500 búldirshin qatysady.
Saıys barysynda oqýshylar belgilengen ýaqyt ishinde 30 suraqqa jaýap berýi tıis. Júldegerler onlaın rejımde arnaıy júıe boıynsha baǵalanyp, qarjylaı marapattalady.
Jeńimpazdarǵa demeýshiler kómegimen jalpy qory 1 mıllıon teńgeni quraıtyn qarjylaı syılyq beriletin bolady.
Olımpıada joǵary deńgeıde ótýi úshin «Zerdeli» aqyl-oıdy damytý ortalyǵynyń Astana hub kesheninde ornalasqan medıa ortalyǵynda sońǵy tehnologııamen jabdyqtalǵan zamanaýı stýdııa jasaqtalǵan. Barystyń ádil de, ashyq ótýi úshin 30-dan astam úılestirýshi maman uıymdastyrylyp otyr.
Onlaın rejımde ótetin olımpıadanyń júldegerleri ádil tańdalýy úshin jeńimpazdar tikeleı efırde óz jaýabyn dáleldeıtin bolady.
Esterińizge sala ketsek, balalardyń ıntellektýaldyq deńgeıin kóterý maqsatynda uıymdastyrylatyn «Altyn saqa» matematıkalyq olımpıadasy osyǵan deıin 5 ret uıymdastyrlǵan bolatyn.
