Poliseilerge alǧys bıldırdı

09.12.2020

2637

https://adyrna.kz/content/uploads/2020/12/8753e736-efd5-4c5c-8d47-0ce14c595c92.jpeg

Aqmola oblysynyŋ tūr­ǧyny, 70 jas­taǧy äjei polisiia qyzmetkerlerıne ūlyn tauyp bergenı üşın alǧysyn bıldırdı. Izdeu jūmystaryna uchaskelık in­spektorlardyŋ äleumettık jelılerde taratqan habar­lamasy ülken kömek bolypty.
Astrahan audanynyŋ orta­lyǧy Astrahanka auylynda 7 myŋǧa juyq adam tūrady. Sol sebeptı mūnda üş bırdei uchas­kelık polisiia inspektory qyz­met körsetedı. Adam joǧal­dy degen habar tüskende olar­dan bölek audandyq polisiia bölımınıŋ kezekşılıktegı jeke qūramy da jūmyldyryldy.

«Qaraşanyŋ 25-ı künı kezekşı bölımge Zoia Abasova esımdı 70 jastaǧy äiel telefon şaldy. «Keşe keşke saǧat 21.00-de ūlym Sergei üiden şyǧyp ketıp edı, sodan habar joq. Balyqqa kettı dep estıdım. Mūz älı bekımegen, suǧa batyp ketedı ǧoi. Būryn mūndai ait­pai ketetını joq edı. Üige de tez oralatyn» dep qatty alaŋdauly ana uaiymyn aitty. Osynyŋ aldynda ǧana bızdıŋ audanda 3 balyqşy joǧalyp, bırı batyp ket­ken bola­tyn. Ol turaly res­publikalyq aq­parat qūral­daryna deiın jaz­dy», – deidı Aqmola oblysy Astrahan au­dandyq PB Astrahanka auyl­dyq uchaskelık polisiia in­spek­tory, polisiia kapitany Sälım­­jan Erjanov.

Sodan ızdeu jūmystaryna kırısıp ketken top auyl tūr­ǧyn­daryna sūrau salyp, onyŋ dos­tarynan, Molodejnyi köşe­sındegı körşı­lerden jauap al­ǧan. Äleu­mettık jelılerde au­dan halqymen bailanysyp otyratyn toptarǧa da şūǧyl habarlama jıbergen. Özendı jaǧa­lap, balyqşylar otyr­ady-au degen jerlerdı şolyp şyqqan. Kezdesken balyq­şylardan sū­raǧan. Bıraq ekı kün boiy habar şyq­paidy.
«Sodan üşınşı kün degende äleumettık jelıdegı topqa ol kısınıŋ qaida jürgenı turaly habar kelıp tüstı. Jedel ekipajben sol mekenjaiǧa qarai jöneldık. Kel­sek, Sergeidıŋ özı habardy estıp, üiıne barǧaly maşinaǧa otyryp jatyr eken. Sodan anasyna habar­lap, özınen jauap alyp, qandai da bır qūqyq­būzuşylyqqa nemese qyl­mysqa qatysy joǧyn tekserdık. Özı jasamasa da, ūşyrap qaluy mümkın degen nūsqalaryn da qaradyq. Äitse de, 41 jastaǧy boidaq jıgıt qoi, köŋıl kötergısı kelgen bolar. Özı de anasyn uaiymdatyp qoiǧanyna ökınışın bıldırdı. Tekseruden keiın ony aman-esen otbasyna tabysta­dyq», – deidı uchaskelık polisiia in­spek­tory Almas Kupeşev.

Polisiia qyzmetkerlerınıŋ halyqpen barlyq mümkındıktı pai­da­lanyp, etene jaqyn bola tüskenı qūptarlyq ıs. Äsırese, uchaskelık polisiia inspek­torlarynyŋ WhatsApp mes­sendjerınde auyldastar tobyna qosylyp, olarmen emen-jarqyn sūhbatta boluy auylda būrynnan qalyptasqan ädet eken. Tıptı, osy soŋǧy oqiǧa siiaqty äleumettık jelınıŋ arqa­synda kei­bır qyl­mystardyŋ ızı suymai aşyl­­ǧan uaqyty da bolypty.

«Auylymyzda köp qylmys bola bermeidı. Mal baǧyp, egın ekken şarua jandar bolǧan­dyqtan, olardyŋ artyq qaq-soqpen ısı joq. Köbıne tūrmystyq-otbasylyq jan­jaldar jäne mal ūrlyǧy jiı kezdesedı. Ondaida mes­sen­djer­lerdıŋ kömegı köp. Mal joǧalyp kettı dep habar jıberemız. Körgen adam bolsa, jauap jazady. Keide ızdegen adamymyzdyŋ telefonyn WhatsApp-taǧy top­tardan tauyp alyp jatamyz. Būl öte tiımdı jäne yŋǧaily bailanys tetıgı bolyp tūr. Tıptı, WhatsApp-ta bızdıŋ bar ekenımızdı bıletın auyldastar je­lıde söileskende özderın sypaiy ūstai­dy. Būl da bır pro­filaktikanyŋ nyşany deuge bolady», – deidı audandyq PB jedel uäkılı, polisiia kapi­tany Aiazbek Taişybekov.   

Astrahanka auyly halyq­aralyq kürejoldyŋ boiynda ornalasqan. Halqy negızınen auyl şarua­şylyǧymen, ta­symalmen künel­tedı. Audan or­talyǧy sanalatyn auylda jedel ahual tūraqty.

«Karantin bastalǧaly auyl­­daǧy auruhanalar da, bızdıŋ ışkı ıster organdary da täulık boiǧy kezekşılık rejimıne auys­qan bolatynbyz. Sondyq­tan halyq­aralyq tasjol da, auyldaǧy ahual da bızdıŋ ūdaiy qada­ǧalauymyzda. Mal ūrly­ǧyna qarsy kündegısın keşkı reidterge şyǧyp tūramyz. Onda bızge şarua qo­jalyqtary ökılderı men qazır «volonter» atap jürgen būrynnan bar qoǧamdyq kömekşılerımız kömektesıp tūrady. Sergeidı ızdegen kezde de osy auyl­dastardyŋ ülken kömegı boldy. Äitse de, bız onyŋ joǧal­maǧanyna senımdı edık. Öitkenı onyŋ auyldan ketkenın eşkım körgen joq. Ol – jūmyssyz adam. Basqa jaqqa jūmys ızdep ketuı mümkın. Bıraq äke-şeşesı jaqsy tūrady. Tabys tabuǧa kettı deitındei mūqtaj­dyǧy joq. Sondyqtan da qariianyŋ köŋılı üşın ızdeu jūmystaryna bırden kırıstık», – deidı Sälım­jan Qairat­ūly.

Al bauyr etı balasymen qai­ta tabysqan ananyŋ qu­anyşynda şek joq. Alǧysyn bıldıru üşın ol ışkı ıster organy basşylyǧy atyna hat jazyp, oǧan qosa vi­deosyn da joldapty. Būl material­dar Aqmola oblystyq PD resmi akkauntynda jaryq kördı.

Nūrlan ORAZǦALİEV