QR Ūlttyq bankı 4 qaraşada «Dala qazynasy» monetalar seriiasynan nominaly 500 teŋgelık, «proof» sapaly «Kültegın» kümıs eskertkış monetalaryn ainalysqa şyǧardy dep habarlaidy "ADYRNA" portaly QazAqparatqa sılteme jasap.
Kültegın (685j. - 731j.) - köptegen köşpelı halyqtardyŋ basyn bırıktırgen türkı halqynyŋ daŋqty äskeri qolbasşysy.
Onyŋ qūrmetıne ülken obalar keşenı salynǧan, onyŋ maŋyzdy bölıgın bırqatar balbal tastar qūraidy. Kültegınnıŋ epitafiiasyn - VIII ǧasyrdaǧy türkı jazbasynyŋ eskertkışın 1889 jyly Orhon özenınıŋ (Moŋǧoliia) boiynan Koşo-Saidam dalasynda N.M. Iаdrinsev tapty. Jazbalardyŋ syryn 1893 jyly dat ǧalymy, professor Vilgelm Tomsen aşty.
Ūlttyq bank baspasöz qyzmetınıŋ habarlauynşa, monetalardyŋ bet jaǧynda (aversınde) ortalyq bölıgınde oiu-örnek beinelengen, onyŋ ışkı jaǧynda Qazaqstan eltaŋbasy jäne memlekettık tılde «QAZAQSTAN RESPUBLİKASY» jäne orys tılınde «RESPUBLİKA KAZAHSTAN» degen jazba bar. Tömengı bölıgınde monetanyŋ nominalyn bıldıretın «500 TEŊGE» degen jazu, joǧarǧy bölıgınde Qazaqstan Respublikasy Ūlttyq Bankınıŋ logotipı bar. Jyltyr betıne jıp tärızdes oiu-örnek salynǧan. Monetalardy ainaldyra jalpaq jiek jürgızılgen, onda soǧylǧan jylyn bıldıretın «2016» jäne moneta daiyndalǧan metaldy, onyŋ synamyn jäne massasyn bıldıretın «Ag 925 31.1g» degen degen jazu ornalasqan.
Monetalardyŋ syrt jaǧynda (reversınde) ortasynda ataqty Orhon eskertkışı keşenınıŋ beder taqtasynan alynǧan runikalyq jazba bölıgınıŋ aiasynda türkı kösemı müsınınıŋ bır bölıgınıŋ «tasqa ūqsas» oksidtelgen bederlı beinesı ornalasqan. Jiek monetanyŋ Orhon keşenınıŋ beinelı bailanysyn körsetetın, tasqa ūqsas stildendırılgen jaqtauşa türınde jasalǧan. Jiegınde türkı runikalyq jazbasy stilistikasynda jazylǧan «KÜLTEGIN» degen jazu jäne moneta seriiasynyŋ üş tıldegı: memlekettık tıldegı «DALA QAZYNASY», orys tılındegı «SOKROVİŞA STEPİ» jäne aǧylşyn tılındegı «TREASURES OF THE STEPPE» degen atauy ornalasqan.
Monetalardyŋ bet jäne syrt jaǧyndaǧy beineler men jazbalar bederlengen.
Qyry (gurty) tegıs, bedersız jäne jazbasyz.
Monetalar 925 synamdy kümısten jasalǧan, massasy - 31,1 g, 30h45 mm tıktörtbūryş, daiyndau sapasy - «proof», eŋ köp taralymy - 5 myŋ dana.
Monetalar onyŋ reversındegı beinenı oksidteu (himiialyq boiau) tehnologiiasy paidalana otyryp daiyndaldy.
Nominaly 500 teŋgelık eskertkış monetalar Qazaqstannyŋ bükıl aumaǧynda körsetılgen qūnymen tölemnıŋ barlyq türlerı boiynşa, sondai-aq bank şottaryna jäne audarym jasau üşın qabyldanuǧa mındettı, Qazaqstannyŋ barlyq bankterınde şekteusız ūsaqtalady jäne aiyrbastalady.
Eskertkış monetalardy «QR Ūlttyq bankınıŋ Qazaqstan teŋge saraiy» şaruaşylyq jürgızu qūqyǧyndaǧy respublikalyq memlekettık käsıporny daiyndaǧan.
Monetalardyŋ dizainy Qazaqstan Respublikasy Prezidentınıŋ 2003 jylǧy 25 qyrküiektegı № 1193 Jarlyǧymen bekıtılgen Qazaqstan teŋgesı - ūlttyq valiuta banknottary men monetalary dizainynyŋ tūjyrymdamasyna säikes äzırlengen. «Proof» sapasymen jasalǧan eskertkış monetalar kolleksiialyq qūny boiynşa satuǧa arnalǧan. Olar kädesyilyq oraumen şyǧarylady jäne Ūlttyq bankınıŋ memlekettık, orys jäne aǧylşyn tılderındegı nömırlık sapa sertifikatymen jabdyqtalǧan.
Monetalardy QR Ūlttyq bankınıŋ barlyq filialdarynda, sondai-aq QR ŪB-nyŋ nationalbank.kz saityndaǧy internet-düken arqyly da satyp aluǧa bolady.
"ADYRNA"
