«Tumsa tabıǵatty aıalaıyq». Memleket qorǵaýyna alynǵan ulttyq parkterde jón-josyqsyz qurylys júrgizýge tabıǵat janashyrlarynyń bári qarsy. Solardyń biri – ataqty Tileýhandar otbasynyń kelini Toǵjan Qojalıeva. Ol psevdooppozıııalyq «HAQ» uıymynyń jetekshisi. Ekologııalyq sananyń tolysýyna úles qosýshy uıymnyń ile alataýy parkin qorǵaý úshin janyn salyp, jantalasyp jatqan qoǵamdyq keńestiń beldi múshesi de Toǵjan Qojalıeva, dep habarlaıdy kznews.kz 1612TV youtube arnasyna silteme jasap.
Bul Toǵjan Qojalıeva bet-beınesiniń halyqqa kórinip turǵan jaryq jaǵy ǵana. Onyń kóleńkesinde qaraýytyp kórinbeı turǵan ne nárse? Toǵjan halyqtan, qoǵamdyq keńesten ne jasyrady?
2011 jyly Ile Alataýy ulttyq tabıǵı parki men «ROSIMPORTEMENT» JShS dep atalatyn fırma elimizdiń qorshaǵan ortany qorǵaý maqsatynda shyǵarylǵan zańdaryn belden basyp, qoryqtyń 2 gektardan astam jerin jalǵa alyp, ıgerý jóninde kelisimshart jasady. Ol kezde «ROSIMPORTEMENTtiń» bul jerdi qandaı maqsatta paıdalanatyny belgisiz edi. Kózdiń qarashyǵyndaı saqtalýy tıis tabıǵı parkte aýyr qurylys júrgizýge tyıym salynǵan. Soǵan qaramaı «ROSIMPORTEMENT» «Ak Kain Spa Hotel Chalets and Residents» dep atalatyn bıznes jobany bastap ketti. Ulttyq parktiń qaq tórinen oıyp alǵan aýmaqty bıik sharbaqpen qorshap, qaltaly týrıster men dókeıler demalatyn birneshe kottedj qonaq úıdiń qurylysyn bastap ketti.
Sonda tumsa tabıǵatty suq qoldardan qorǵaýshy qoǵamdyq keńes músheleri zańdy belshesinen basyp, ekologııany búldirip jatqan kim degen suraqqa jaýap tappaı dal bolǵan. Qoǵamdyq keńes múshesi Toǵjan Qojalıeva da túk bilmeıtin adamdaı múláıimsip, basyn salbyratyp, jaı ǵana qara kórsetip alań jurttyń qatarynda júrdi. Onyń dál osy tusta únsiz qalýy beker emes eken. Sóıtsek, «ROSIMPORTEMENT» jekemenshik fırmasy halyq janashyry Toǵjan Qojalıevanyń kúıeýi Meıram Tileýhanǵa tikeleı qatysy bar bolyp shyqty. Toǵjannyń enesi Álmaǵambetova Álııa Seıilbekqyzy «ROSIMPORTEMENT» JShS quryltaıshylarynyń biri Meıram ultymyzdyń janashyry Bekbolat Tileýhannyń aǵasy Ramazannyń úlken uly. Toǵjan kelinniń Ile Alataýy tabıǵı parkin búldirip jatqan otbasylyq fırmanyń tórkini kimge baryp tireletinin qoǵam belsendilerine aıtpaı, tili kesilip, jurttan jasyryp qalýynyń sebebi osy.
Ile Alataýynyń tórine qamal salyp bekinip, zańsyz qurylys salyp alǵan «ROSIMPORTEMENT» Almaty qalalyq sáýlet qurylys basqarmasyna elıtalyq kottedjder qurylysyn júrgizýge ruqsat berýdi surap ótinish jazady. Basqarma mamandary atalǵan aýmaq erekshe qorǵaýǵa jatatyn tabıǵat ekenin, onda qyzyl kitapqa engen aǵashtar baryn aıtyp, qurylys júrgizýge ruqsat bermeı qoıady. Oǵan qanaǵattanbaǵan «ROSIMPORTEMENT» ókili qalalyq sáýlet basqarmasyn sotqa beredi. 2019 jyldyń 23 aqpan kúni qalalyq ekonomıkalyq sot aryzdanýshynyń aryzyn qanaǵattandyrmaı tastaıdy. Zańsyz salyp qoıǵan qurylysynyń buzylý qaýpi tóngen soń, «ROSIMPORTEMENT» joǵary ınstanııaǵa shaǵymdandy. Appelıaııalyq alqa qalalyq sottyń sheshimin buzyp, sáýlet basqarmasyna qurylys júrgizý ruqsatyn berýdi mindet deıdi.
Osy jáne budan ózge zańsyzdyqtar týraly tómengi vıdeoda:
