M.Áýezov atyndaǵy Ádebıet jáne óner ınstıtýtynyń konferen-zalynda Almaty qalasynyń 1000 jyldyǵyna jáne Qazaqstan Respýblıkasynyń Táýelsizdiginiń 25 jyldyǵyna arnalǵan Almaty qalasy Ishki saıasat basqarmasynyń qolaýymen "Uly dalanyń ejelgi jazba derekteri men artefaktileri" atty halyqaralyq dóńgelek ústel ótti.
Jazba derekteri men arheologııa tarapyndaǵy ǵylymı baıandamalardan bólek ǵylym salasyndaǵy ózekti máseleler talqylandy.
Almaty qalasy Tilderdi damytý basqarmasynyń basshysy, f.ǵ.k. Mamaı Ahet pen R.B. Súleımenov atyndaǵy Shyǵystaný ınstıtýty dırektorynyń orynbasary, e.ǵ.k. doent Ǵalymjan Dúısen kirispe sóz sóılep, sharaǵa qatysýshylarǵa sáttilik tilese, ál-Farabı atyndaǵy QazUÝ-dyń Jýrnalıstıka fakýltetiniń dekany, f.ǵ.d. Saǵatbek Medeýbekuly tarıhı-mádenı eskertkishterdiń mańyzdylyǵy týraly ózekti máselelerdi ortaǵa saldy.
UǴA-nyń korespondent-múshesi, t.ǵ.d., professor Merýert Ábýseıitova "Mádenı mura" jáne "Halyq tarıh tolqynynda" baǵdarlamasy negizinde shetelderden elge jetkizilgen qundy materıaldarmen tanystyrdy. Odan keıin PhD doktor, professor Tórbat agaany "Mońǵol dáýiriniń elıtalyq arheologııalyq eskertkishteri" atty baıandama jasady. Ataýly baıandama qazaqstandyq ǵalymdar tarapynan qyzý talqylandy.
Belgili túriktanýshy Nápil Bazylhan, tanymal arheolog Arnabaı Nurjanov, kórnekti folklortanýshy Qaırat Janabaev jáne taǵy basqa otandyq ǵalymdar qyzyqty baıandamalaryn usyndy. Sonymen qatar, QR Memlekettik Ortalyq mýzeı dırektorynyń orynbasary Babaqumar Qınaıatuly Qazaqstan men Mońǵolııa arasyndaǵy ǵylymı qarym-qatynas, áriptestik baılanys týraly óz usynystaryn ortaǵa saldy.
Almaty qalasy Ishki saıasat basqarmasynyń qoldaýymen "Adyrna" ulttyq-etnografııalyq birlestigi Almaty qalasynyń 1000 jyldyǵyna arnalǵan beıne-rolıktiń kórsetilimi boldy.
Tanymal jas ánshi Baqtııar Aqymjanov pen Quranǵazy atyndaǵy Qazaq ulttyq konservatorııasynyń stýdenti, jas kúıshi
Muhtar Ádil ıgi sharanyń sánin keltirip, án men kúıden shashý shashty.
Mońǵolııa ǵylym akademııasyTarıh jáne arheologııa ınstıtýty men QR BǴM ǴK R.B.Súleımenov atyndaǵy Shyǵystaný ınstıtýty arasynda áriptestik baılanys ornatý máseleleri de sóz boldy. Mońǵolııa ǵylym akademııasy Tarıh jáne arheologııa ınstıtýtynyń Qola jáne erte temir dáýiri bóliminiń meńgerýshi Tórbat agaany "Ortalyq Azııanyń arheologııalyq eskertkishteriniń erekshelikteri" atty lekııa-semınaryna qatysqan kisilerge alǵys hattar men sertıfıkattar tabystady. Sonymen birge, "Adyrna" ulttyq-etnografııalyq birestigi 2016 jyly ótkizgen tarıhı sharalarǵa at salysqan azamattarǵa alǵys hattar, "Almatynyń myńjyldyq tarıhy: arheologııa jáne jazba derekteri" atty halyqaralyq konferenılarǵa qatysqan ǵalymdarǵa sertıfıkattar tabystady.
Arman Áýbákir,
"Adyrna" ulttyq-etnografııalyq birlestiginiń jetekshisi.
