Elbasy Sheıh Hamdan ben Rashıd Ál Maktýmnyń qaıtys bolýyna baılanysty Birikken Arab Ámirlikteriniń Prezıdenti Sheıh Halıfa ben Zaıd Ál Nahaıanǵa jáne Birikken Arab Ámirlikteriniń Vıe-Prezıdenti, Premer-Mınıstri, Dýbaı bıleýshisi Sheıh Muhammed ben Rashıd Ál Maktýmge kóńil aıtý jedelhattaryn joldady, dep "Adyrna" ulttyq portaly Elbasy.kz saıtyna siltep habar beredi.
«Sheıh Hamdan ben Rashıd Ál Maktýmnyń ómirden ozǵany týraly sýyt habardy kúızelispen qabyldadym.
Osy qaraly kúnde qaıǵylaryńyzǵa ortaqtasa otyryp, Sizderge jáne barsha Ámirlikter halqyna kóńil aıtamyn.
Sheıh Hamdan óziniń sanaly ǵumyryn halqynyń ıgiligine, árbir otandasynyń múddesin qorǵaýǵa arnady. Ol Birikken Arab Ámirlikteri qurylǵan ýaqyttan beri jaýapty laýazymdardy atqaryp, memlekettiń gúldenýine qosqan eleýli úlesi arqyly el tarıhynda óshpes iz qaldyrǵan Otanynyń kórnekti perzenti. Sondyqtan onyń jarqyn beınesi Ámirlikter halqynyń júreginen óshpes oryn alatynyna senimdimin», – delingen jedelhattarda.
"Adyrna" ulttyq portaly
