Almaty oblysynda üstımızdegı jyldyŋ bırınşı toqsanynda sybailas jemqorlyq edäuır tömendegen. Ötken jyly 33 qylmys tırkelse, biyl – 21 sybailas jemqorlyq sipaty bar ıs tırkelgen. Nätijesınde atauly qylmys türı 36,4 paiyzǧa kemıgen. Osy syndy oŋ körsetkış Almaty oblysynyŋ äkımı Amandyq Batalovtyŋ töraǧalyǧymen ötken oblystyq sybailas jemqorlyqqa qarsy ıs-qimyl jönındegı vedomstvoaralyq komissiianyŋ kezektı otyrysynda söz boldy.
Komissiia müşelerı, audan, qala äkımderı, qūqyq qorǧau organdarynyŋ, departament, basqarma basşylary qatysqan selektorlyq rejimdegı jiynda maŋyzdy mäseleler qaraldy. Otyrysta Qazaqstan Respublikasynyŋ 2015-2025 jyldarǧa arnalǧan sybailas jemqorlyqqa qarsy strategiiasy, Jūmyspen qamtudyŋ 2020-2021 jyldarǧa arnalǧan jol kartasyn ıske asyru jaiy, «Jetısu – adaldyq alaŋy» jobalyq keŋsesınıŋ atqarǧan jūmysy, memlekettık tūrǧyn üi qorynan baspana bölu jönındegı tūrǧyn üi komissiialarynyŋ qyzmetınde aşyqtyq qaǧidattaryn qamtamasyz etu boiynşa qabyldanyp jatqan şaralar jan-jaqty talqylandy.
QR Sybailas jemqorlyqqa qarsy ıs-qimyl agenttıgınıŋ oblys boiynşa departament basşysy Ernar Maqajanov öŋırde sybailas jemqorlyqqa qarsy ıs-qimyl boiynşa atqarylyp jatqan şaralarǧa toqtalyp, zaŋnamalyq normalarǧa engızılgen özgerısterdı tüsındırdı.
– Aǧymdaǧy jyldyŋ 5 säuırınde Memleket basşysy Qasym-Jomart Toqaev qol qoiǧan Zaŋǧa sybailas jemqorlyq sipatyndaǧy belgılerı bar 15 äkımşılık bap berılgen. Mysaly, syiaqylar, syilyqtar nemese jeŋıldıkter bergenı üşın jeke tūlǧalar 676-baby boiynşa 200 AEK kölemınde aiyppūl töleidı, būl şamamen 600 myŋ teŋge. Al eger mūndai syiaqy nemese syilyq zaŋdy tūlǧa tarapynan şyǧatyn bolsa, onda mūndai äreket 678-baby boiynşa saralanady jäne mūnda aiyppūl 700 AEK-ke deiın ösedı, būl 2 mln. teŋgeden joǧary, - dedı departament basşysy.Kelesı kezekte QR Sybailas jemqorlyqqa qarsy ıs-qimyl agenttıgınıŋ oblys boiynşa departamentı janyndaǧy arnaiy monitoring tobynyŋ jetekşısı Viktor Ten halyqtyŋ qūqyqtyq sauatynyŋ tömendıgın söz ettı. Äsırese auyldy jerde tūratyn azamattarǧa arnalǧan äleumettık maŋyzy bar jobalardy jandandyrudy ūsyndy. Al «Jetısu – adaldyq alaŋy» jobalyq keŋsesınıŋ jūmysymen tanystyrǧan oblys äkımınıŋ orynbasary Rustam Äli tūrmystyq sybailas jemqorlyqty joiu saiasatyn qalyptastyryp, halyqqa qolaily jaǧdai jasau men memlekettık mekemelerdıŋ aşyqtyǧyn qamtamasyz etu maqsatynda atqarylǧan şaralar jaiyn tarazylady.
– Jyl basynan berı jobalyq keŋse tarapynan 116 monitoring jürgızıldı. Därıhanalarǧa, därıhana qoimalaryna därı-därmekterdıŋ şektı baǧalary boiynşa 38 tekserıs jürgızıldı. Sonymen qatar, ärtürlı sala mamandarymen 30-dan astam kezdesu öttı. «Mobildı auyl», «Adal kömek» jäne «Antikor.live» jobalary jüielı türde ıske asyp keledı. Oblys kölemınde äleumettık jelıler arqyly 100-den astam tıkelei efir ötıp, onda jergılıktı atqaruşy organdardyŋ, basqarma, departament basşylary, mektep direktorlary söz söilep, halyqty qyzyqtyrǧan sūraqtarǧa jauap berdı, – dedı oblys äkımınıŋ orynbasary.Jūmyspen qamtudyŋ 2020-2021 jyldarǧa arnalǧan jol kartasy aiasynda atqarylǧan jūmyspen oblystyq qūrylys basqarmasynyŋ basşysy Däuren Joljanov tanystyrdy. Onyŋ sözınşe, oblys boiynşa 14,2 mlrd. teŋge bölınıp, qarjy 100 paiyzǧa igerılgen. Nätijesınde 29 nysannyŋ qūrylysy josparlanyp, byltyr 11 nysan paidalanuǧa berılgen. Qalǧan 18-ı 2021 jylǧa auysqan. Jūmyspen qamtu ortalyqtary arqyly 468 adam jūmysqa ornalastyryldy. Aǧymdaǧy jyly 6 mekteptıŋ jäne bır qala syrtyndaǧy lagerdıŋ qūrylysy üşın 30,8 mlrd.teŋge bölu josparlanǧan. Jyl soŋyna deiın barlyq nysandy paidalanuǧa beru josparlanyp otyr. Tūrǧyn üi komissiialarynyŋ qyzmetı jaily Taldyqorǧan qalasynyŋ äkımı Erjan Jasybaev pen Ile audanynyŋ äkımı Baǧdat Qarasaev baiandama jasady. Jyl saiyn oblys ortalyǧy men Ile audanynda tūrǧyndardyŋ sany artyp, tūrǧyn üi kezegıne tūruşylar köbeigen. Aitalyq Taldyqorǧan qalasynda halyq sany 176,2 myŋ adamdy qūraidy. Memlekettık tūrǧyn üi qorynan tūrǧyn üi aluǧa kezekte tūrǧan azamattardyŋ sany – 14 567 adam. Ile audanynda bügınde 4 253 adam kezekte tūr. Aimaq basşysy Amandyq Ǧabbasūly «Nūrly jer», «7-20-25» syndy memlekettık baǧdarlamalar men «Otbasy bankı» Tūrǧyn üi qūrylys jinaq bankı arqyly halyqty baspanamen qamtu, jaŋadan üiler salu jönınde naqty tapsyrmalar berdı. Otyrysty qorytyndylaǧan oblys äkımı Amandyq Batalov pandemiia kezınde sybailas jemqorlyqqa qarsy kürestı küşeitu, bölıngen qarjyny tiımdı igeru, servistık äkımdıkterdı köbeitu, memlekettık qyzmettıŋ sapasyn arttyru turaly oiyn aityp, memlekettık organdardyŋ aşyqtyǧyn qamtamasyz etudı nyq nazarda ūstaudy tapsyrdy.
Ūqsas jaŋalyqtar
