Mamyr aıynda eki mıllıon adamǵa vakına salý josparlanyp otyr. Bul týraly úkimet basshysy Asqar Mamın úkimet otyrysynda aıtty, dep habarlaıdy «Adyrna» ulttyq portaly.
«Búgingi kúnde óńirlerge 2,3 mıllıonnan astam vakına jetkizildi. 1,5 mıllıonǵa jýyq adam vakınanyń birinshi komponentin jáne 350 myń adam ekinshi komponentin aldy. Mamyrda eki mıllıonnan astam adamdy vakınamen qamtamasyz etýdi josparlap otyrmyz», - dedi premer-mınıstr.
Sonymen qatar ol Qazaqstanda vakınanyń qajetti kólemi bar ekenin, vakınalaýdyń qazirgi qarqynyn tómendetpeı, tek ulǵaıtý qajet ekenin de aıtty.
Mamın vakına alǵandar sanynyń artqanyna qaramastan, adamdar sanıtarlyq normalardy qatań saqtaýǵa tıis ekenin eskertti.
"Adyrna" ulttyq portaly
