23-mamyr künı Beluras basşysy Aleksandr Lukaşenkonyŋ tıkelei būiryǧymen halyqaralyq aviasiia tarihyndaǧy ülken qylmys jasaldy. Ol Afina qalasynan Vilniuske bet alǧan jolauşylar ūşaǧyn joiǧyş ūşaqpen qorqytyp, Minsk äuejaiyna qonuǧa mäjbür ettı. Ondaǧy bar maqsaty ūşaq ışındegı NEXTA telegram arnasynyŋ būrynǧy qyzmetkerı Roman Protasevichty tūtqyndau bolatyn. Romanǧa el ışıne bülık saldy, separatistık äreketterge bardy, revoliusiia jasamaq boldy degen auyr aiyptar taǧyluda. Alaida Lukaşenkonyŋ būl äreketı jazasyz qalmady. Bır künnıŋ ışınde Europa elderı kelesıdei şeşımder şyǧaryp ülgerdı:
- EO elderı Belarus elıne bereiın dep otyrǧan 3 mlrd euro berılmeitın boldy. 800 mln dollardy Putinnen jalynyp sūrap jüretın Lukaşenko üşın būl ülken soqqy.
- EO erteŋ Belarustyŋ aviasiialyq sektoryna, biznes jäne ekonomikasyna sanksiia salu mäselesın talqylaidy.
- Ukraina Belaruspen äue qatynasyn üzdı. Ol Belarus aspanyn ainalyp ötedı.
- Latviia barlyq Belarus diplomattaryn elıne qaitardy.
- Belnefthim jäne Belaruskaliiaǧa qarsy sanksiialar daiyndalyp jatyr.
- Ūlybritaniia "Belavia" ūşaqtarynyŋ ūşyp kıruıne tyiym saldy. Şvesiianyŋ SAS aviakompaniiasy Belarus üstımen ūşpaityn boldy.
Osynyŋ bärı Lukaşenkonyŋ bır ǧana essız äreketınen keiın ıske asty. Bır adamdy ūstaimyn dep elıne osynşalyqty soqqy alyp keldı. Al ūstalǧan Roman Protasevich tıptı NEXTA arnasynan ketıp qalǧanyna bıraz uaqyt bolǧan edı.
"Adyrna" ūlttyq portaly
Ūqsas jaŋalyqtar
