Memleket basshysy Qasym-Jomart Toqaev «Qazaqstandaǵy saılaý týraly» Konstıtýııalyq zańǵa ákimderdi saılaýdy engizý men barlyq úmitkerge qarsy daýys berýdi qarastyratyn túzetýlerge qol qoıdy, dep habarlaıdy «Adyrna» ulttyq portaly Aqorda saıtyna silteme jasap.
Engizilgen ózgerister:
- aýdandyq mańyzy bar qalalar, aýyldar, kentter, aýyldyq okrýgter ákimine úmtkerlik usyný: ózin-ózi usyný tártibi (tıisti qalada nemese aýyldyq okrýgte turatyn saılaýshylardyń keminde bir paıyzynyń qoldaý úshin qol jınaý arqyly); saıası partııalarda óz músheleri arasynan; eger usyný merziminiń sońynda ekiden kem úmitker usynylǵan jaǵdaıda, aýdan (oblystyq mańyzy bar qala) ákimi úmitker usynady.
- úmitkerlerge qoıylatyn talaptar: Qazaqstan azamaty; jasy - 25 jastan kishi emes; osy laýazymǵa qoıylatyn bilik talaptary; barlyq memlekettik qyzmetker úshin jalpy shekteýler, mysaly, sottylyq, jumysqa qabiletsizdik;
- úmitkerdiń zańnamada belgilengen eń tómen jalaqynyń bir eselengen mólsherinde saılaý jarnasyn engizýi;
- saılaý 40 kún buryn jarııalanady, al saılaýdyń ózi qazirgi ákimniń ókilettik merzimi aıaqtalǵanǵa deıin 10 kún buryn ótedi. Saılaý naýqanynyń merzimi 30 kún;
- aýyl ákimderiniń tikeleı saılaýyn qarjylandyrý jergilikti bıýdjet arqyly júzege asyrylady;
- Májilis saılaýy kezinde saıası partııalardyń ótý shegin daýys berýge qatysqan saılaýshylar daýysynyń 7-den 5 paıyzyna deıin tómendetý jóninde normalar engizý.
- barlyq deńgeıdegi saılaý bıýlletenderine "bárine qarsy" baǵanyn engizý.
"Adyrna" ulttyq portaly
