Qyrǵyzstanda Úkimet múshelerine toıǵa barýǵa tyıym salyndy. Bul týraly eldiń premer-mınıstri Aqylbek Japarov prezıdent ákimshiligi alqasynyń otyrysynda aıtty, dep habarlaıdy «Adyrna» tilshisi 24.kg-ge silteme jasap.
Ol prezıdenttiń barlyq jarlyǵy men tapsyrmasy sapaly ári ýaqytyly oryndalýǵa tıis ekenin málimdedi.
«Eger siz bir jerde ysyrapshyldyq kórseńiz, ol jerge barmańyz. Toıda júrmeńder»,— dedi úkimet basshysy.
Eske salaıyq, 2022 jyldyń aqpanynda Qyrǵyzstan prezıdenti Sadyr Japarov dástúrli merekelerdi ótkizý kezinde shekteýler engizý týraly jarlyqqa qol qoıǵan edi. Zańnyń maqsaty – azamattardyń áleýmettik-ekonomıkalyq ómir súrý deńgeıin kóterý, sondaı-aq qoǵamnyń rýhanı atmosferasyna teris áser etetin dinı rásimderdi jáne ózge de is-sharalardy ótkizý kezinde ysyrapshyldyqqa jol bermeý.
