Reseıdiń syrtqy ister mınıstriniń orynbasary Aleksandr Pankın "Eýrazııalyq Odaq (odaqqa múshe elderge) Batystyq sankııalarǵa jaýap berý máselesin kún tártibinde ustap otyrǵanyn" málimdedi. Bul árıne Qazaqstan úshin asa qaýipti málimdeme. Sebebi Qazaqstan tek Reseımen baılanys ornatqan memleket emes. Saıası, áskerı jáne ekonomıkalyq turǵydan kópvektorlyqty ustanyp keledi. Onyń tıimdi nátıjeleri de joq emes. Imıdj, ınvestıııa, sankııalardan azat bolý. Alaıda Reseı tarapy óz qylmysyna endi tek Máskeý ǵana emes, ózgeler de jaýap berse deıdi. Qatysy joq, kinásiz tarapty uıyqqa tartpaq. Eýrazııalyq Odaqtyń sankııalarǵa birlese jaýap berý ıdeıasyna qazaqstandyq sarapshylar qarsy.
Saıasattanshýy Dosym Satpaev: "2018 jyly "Reseıdiń geosaıası jalǵyzdyǵy Qazaqstanǵa qaýip tóndiredi" degen maqalada men Kreml ıdeologtary Reseı óziniń "geosaıası jalǵyzdyǵyna" ońaı tózýi úshin EAEO men UQShU-daǵy seriktesterin óz álemine tartqysy keletindigin atap óttim. Reseı Federaııasy Syrtqy ister mınıstriniń orynbasary Aleksandr Pankınniń málimdemeleri bizdiń ekonomıkalyq múddelerimizge de qaıshy keledi. Lýkashenkony Batystyń sankııalary tyǵyryqqa tiregeni sonshalyq Belarýssııa Reseıdiń qushaǵyna enip barady.
Al Qazaqstanda ondaı problemalar joq. Eger biz shynymen de egemendi memleket bolsaq, onda biz ózimizdiń syrtqy saıasatymyzdy, onyń ishinde halyqaralyq ekonomıkalyq baılanystar salasyn ózimiz anyqtaýymyz kerek" dedi.
Al qoǵam qaıratkeri Murat Ábenov: "Qazaqstan azamattary Reseıdiń Batysqa qarsy sankııalyq soǵysyna qosylýdy qalamaıdy. Bul bizdiń soǵys emes" dedi.
Saıasattanýshy Talǵat Qalıev bolsa "Bizdiń kelissóz júrgizýshiler sankııalarǵa qosylmaý quqyǵymyzdy qorǵaý úshin jetkilikti kúshke, prınıpter men dálelderge súıenedi dep úmittenemin. Jeke ózim temir buǵaýdyń artynda bolǵym kelmeıdi jáne bizge esh qatysy joq ózgelerdiń jasaǵan áreketi úshin jaýap berýdi qalamaımyn" dedi.
"Adyrna" ulttyq portaly
