Almaty qalasy Ishki saıasat basqarmasynyń qoldaýymen «Qazaqstannyń ÚEU ARO ulttyq júıesiniń» uıymdastyrýymen «Rýhanı jańǵyrý: azamattyq sektordyń áleýmettik bastamalary men jobalary» atty úzdik áleýmettik jobalar baıqaýy ótken bolatyn. Birneshe jeńimpazdarmen birge «Adyrna» ulttyq-etnografııalyq birlestiginiń usynǵan jobasy úzdikter sanatynan kórinip, arnaıy dıplommen jáne baǵaly sılyqtarmen marapattaldy.
Baıqaý qorytyndysy boıynsha úzdik áleýmettik ıdeıalar jármeńkesi jáne dóńgelek ústel, ÚEU arnalǵan semınar-trenıng uıymdastyryldy.
Nurlan SYDYQOV, Almaty qalasy Ishki saıasat basqarmasynyń basshysy:
- Keıingi jyldary memleketimizdiń Úkimettik emes uıymdardyń jumystaryna kóńil bólip kele jatqany málim. Mundaı jaǵdaı jalǵyz bizde emes, álemniń kóptegen elderinde jolǵa qoıylyp, jemisti jumystar atqarýda. Almaty qalasyndaǵy ÚEU-dy jan-jaqty qoldaý maqsatynda «ÚEU mektebi» jobasy qolǵa alynǵan edi.
Qazirgi ýaqytta Almatyda 4 myńnan astam úkimettik emes uıym jumys isteýde. ÚEU-dar jyldan jylǵa belsendilikterin arttyryp kele jatyr. Oǵan Almaty qalasyndaǵy Úkimettik emes uıymdardyń Aqparattyq Ortalyǵynyń júıeli qyzmeti de septigin tıgizýde.
Dóńgelek ústelde jınalǵan qoǵamdyq uıymdardyń jetekshileri Úkimettik emes uıymdardyń jumysyn barynsha jeńildetip, qoǵamǵa qyzmet etetin úzdik ıdeıalardy aldyǵa jyljytýǵa septigin tıgizip kele jatqan Almaty qalasy Ishki saıasat basqarmasynyń basshysy Nurlan Erbolatuly Sydyqov myrzaǵa, «Qazaqstannyń ÚEU ARO ulttyq júıesi» ZTB tóraıymy Altynaı Kóbeeva hanymǵa erekshe alǵystaryn jetkizdi. Rasynda «Qazaqstannyń ÚEU ARO ulttyq júıesi» arqyly qoǵamdyq uıymdar ózara aqparat almasyp, básekelestikterin qalyptastyryp keledi. Elimizde, tipti shetelderde qoǵamdyq qorlardy damytýǵa baǵyttalǵan baıqaýlar týraly jáne taǵy basqa mańyzdy maǵlumattar jaıynda der kezinde aqparat alýǵa úlken múmkindikter týǵyzdy. Joǵaryda aıtylǵan ataýly baıqaýdyń ármen qaraı da memlekettiń, qoǵamnyń damýyna ólsheýsiz úles qosa beretindigine senimimiz kámil.
Jasulan NAÝRYZÁLI
