Bız täuelsızdıkke aŋsap, zaryǧyp jettık. Közdı aşyp – jūmǧanşa egemendı el bolǧanymyzǧa orda būzar 30 jyl ötıptı. Biyl Täuelsızdıgımızdıŋ otyz jyldyǧyn toilaimyz. Memleket basşymyz aitqandai «Endı sol täuelsızdıktıŋ qasiettı rämızderın de erekşe qadırleuımız, qasterleuımız kerek. Ärbır azamat Qazaqstannyŋ Tuyn, Eltaŋbasyn, Änūranyn tūmardai qasiet tūtuy qajet. Eldıgımızdıŋ synalatyn bır tūsy – osy», memlekettık rämızder – el damuynyŋ ajyramas bölıgı. Sondyqtan qazaqstandyqtardyŋ osy rämızderge degen qūrmetı, olardy boitūmardai qasterleuı erekşe sezılıp tūruy tiıs.
Rämızder arqyly elımızdı bükıl älem tanidy. Öitkenı onda qazaq halqynyŋ bastan ötkızgen tarihy, mädenietı men dästürı körınıs beredı. Jastardyŋ otansüigıştık sezımın oiatady, patriotizmge ündeidı, batyldyqqa tärbieleidı. Tıptı balabaqşa büldırşınderı oŋ qolynyŋ alaqanyn jürek tūsyna qoiyp, «Menıŋ Qazaqstanymdy» şyrqaǧanda erekşe bır sezımge bölenetınıŋ, jıgerlenıp qanattanatynyŋ ras. Būl el bolaşaǧy – jastardyŋ öz Otanyn, öz jerın, öz elın qorǧauǧa degen sezımın oiatyp, senımın nyǧaitatyny anyq.
4 mausym – elımızdıŋ memlekettık rämızderı künı. 1992 jyldyŋ 4 mausymynda Qazaqstan Respublikasynyŋ Tūŋǧyş Prezidentı Nūrsūltan Nazarbaev qol qoiǧan zaŋdarmen tūŋǧyş ret täuelsız elımızdıŋ Tuy, Eltaŋbasy bekıtıldı, al 1992 jyldyŋ 11 jeltoqsanynda Memlekettık Änūranymyz turaly zaŋǧa qol qoiyldy. Mıne, egemendıgımızdıŋ belgısı retınde bekıtılgen Tu, Eltaŋba jäne Änūran -ūltymyz üşın asa qasterlı qūndylyqtar. Memlekettık rämızder barşa qazaqstandyqtyŋ ruhyn asqaqtatyp, ūlttyq bıtım – bolmysyn aişyqtaidy. Otyz jyl biıkte jelbıregen kök tuymyz mäŋgılık eldıŋ märtebesın kötere bersın. «Talasqa tüsse jan men tu – jan emes maǧan keregı. Kök tudyŋ jelbıregenı»,-dep ändetken keleşegımızdıŋ bolaşaǧy jarqyn bolsyn.
Ardaq Qūmarova
