Almaty oblysynda käsıpker oryndyqtar öndırısın jolǧa qoidy. Memlekettık qoldaudyŋ arqasynda aşylǧan jihaz sehy ai saiyn üş myŋǧa deiın oryndyq şyǧarady.
Ile audanynyŋ tūrǧyny Tılek Ädılhat «Eŋbek» memlekettık baǧdarlamasy aiasynda jüzege asyrylyp jatqan «Bastau Biznes» käsıpkerlık negızderı jobasynyŋ arqasynda käsıpker atandy. Ol ūzaq uaqyttan berı jihaz jasap, ony bazarda satyp jürdı.
2018 jyly ol Almaty oblysynyŋ Käsıpkerler palatasy arqyly «Bastau Biznes» jobasy boiynşa oquǧa jazyldy. Kurs aiaqtalǧan soŋ «Jas käsıpker» baǧdarlamasy boiynşa 505 myŋ teŋge kölemınde grantqa aldy. Al ötken jyly jihaz öndıretın sehty damytu üşın Auyl şaruaşylyǧyn qarjylai qoldau qory arqyly 6 mln teŋge kölemınde nesiege qol jetkızdı.
Biznestı bastaǧan kezde üş apta boiy qyzmetkerlerdı oqytyp, tegın şeberlık sabaqtaryn ötkızdım. Qazır öz komandamdy jasaqtadym. Bız kün saiyn üige arnalǧan 100 oryndyq jasaimyz. Otandyq önımnıŋ basty artyqşylyǧy sapasy men baǧasynda. Şeteldıŋ oryndyqtaryna qaraǧanda qūny tömen. Osynyŋ arqasynda köterme tapsyrys beruşılerımız bar, - deidı käsıpker.Jihaz sehy Ile audanynyŋ Jetıgen auylynda ornalasqan. Önımder audan ışınde jäne Almaty qalasynyŋ bazarlarynda satylady. Bügınde käsıpker jihaz türın ūlǧaityp, jaŋa stanoktar satyp alu arqyly sehty keŋeitudı josparlap otyr. Almaty oblysy Käsıpkerler palatasynyŋ direktory Äset Şaiahmetovtyŋ aituynşa, jyl basynan berı «Bastau Biznes» jobasynyŋ 600-ge juyq tülegı öz jobalaryn qarjylandyra aldy. Jalpy, ötken jyly Almaty oblysynda «Bastau Biznes» aiasynda 3022 qatysuşy käsıpkerlık negızderıne oqytyldy, 2 myŋnan astam joba jalpy somasy 1,8 mlrd teŋgege qarjylandyryldy.
Ūqsas jaŋalyqtar
