Almaty oblysynda kásipker oryndyqtar óndirisin jolǵa qoıdy. Memlekettik qoldaýdyń arqasynda ashylǵan jıhaz ehy aı saıyn úsh myńǵa deıin oryndyq shyǵarady.
Ile aýdanynyń turǵyny Tilek Ádilhat «Eńbek» memlekettik baǵdarlamasy aıasynda júzege asyrylyp jatqan «Bastaý Bıznes» kásipkerlik negizderi jobasynyń arqasynda kásipker atandy. Ol uzaq ýaqyttan beri jıhaz jasap, ony bazarda satyp júrdi.
2018 jyly ol Almaty oblysynyń Kásipkerler palatasy arqyly «Bastaý Bıznes» jobasy boıynsha oqýǵa jazyldy. Kýrs aıaqtalǵan soń «Jas kásipker» baǵdarlamasy boıynsha 505 myń teńge kóleminde grantqa aldy. Al ótken jyly jıhaz óndiretin ehty damytý úshin Aýyl sharýashylyǵyn qarjylaı qoldaý qory arqyly 6 mln teńge kóleminde nesıege qol jetkizdi.
Bıznesti bastaǵan kezde úsh apta boıy qyzmetkerlerdi oqytyp, tegin sheberlik sabaqtaryn ótkizdim. Qazir óz komandamdy jasaqtadym. Biz kún saıyn úıge arnalǵan 100 oryndyq jasaımyz. Otandyq ónimniń basty artyqshylyǵy sapasy men baǵasynda. Sheteldiń oryndyqtaryna qaraǵanda quny tómen. Osynyń arqasynda kóterme tapsyrys berýshilerimiz bar, - deıdi kásipker.
Jıhaz ehy Ile aýdanynyń Jetigen aýylynda ornalasqan. Ónimder aýdan ishinde jáne Almaty qalasynyń bazarlarynda satylady. Búginde kásipker jıhaz túrin ulǵaıtyp, jańa stanoktar satyp alý arqyly ehty keńeıtýdi josparlap otyr.
Almaty oblysy Kásipkerler palatasynyń dırektory Áset Shaıahmetovtyń aıtýynsha, jyl basynan beri «Bastaý Bıznes» jobasynyń 600-ge jýyq túlegi óz jobalaryn qarjylandyra aldy.
Jalpy, ótken jyly Almaty oblysynda «Bastaý Bıznes» aıasynda 3022 qatysýshy kásipkerlik negizderine oqytyldy, 2 myńnan astam joba jalpy somasy 1,8 mlrd teńgege qarjylandyryldy.
