Kanadada bir apta boıy kún qatty ysyp, sonyń saldarynan shamamen 500 adam kóz jumdy dep habarlaıdy "Adyrna" ulttyq portaly centralasian.org-ke silteme jasap.
Bılik shyjyǵan kúnnen zardap shekkender budan da kóp bolýy múmkin dep otyr.
Vankýver (Brıtan Kolýmbııasy provınııasyndaǵy iri qala) qalasynda ǵana juma kúni 130 adam ystyq ótip qaıtys bolǵan. Qaza bolǵandardyń deni — qart kisiler, sozylmaly aýrýy barlar.
Provınııada aýa temperatýrasy tórt kún boıy kóterilgen, seısenbi kúni Lıtton qalasynda 49,5 gradýs ystyq tirkelgen.
Provınııadaǵy tótenshe jaǵdaıǵa baılanysty kóptegen mekeme, sonyń ishinde mektepter men bala baqshalar ýaqytsha jabyldy. Jergilikti bılik ýaqytsha burqaqtar ornalastyryp, kóshelerge sý septi. Salqyndaýǵa arnalǵan ortalyqtar ashyldy. Qaladaǵy burqaqtar táýlik boıy jumys istep tur.
AQSh-tyń soltústik-batys jaǵalaýlarynda da kún qatty ysyǵan. Portlend (Oregon shtaty) pen Sıetlde (Vashıngton shtaty) aýa temperatýrasy 46 gradýsty kórsetti.
Ystyqtan qashqan turǵyndardyń keıbiri jer asty garajdaryna túsip, tipti avtokólik salqyndatqyshynyń kómegimen jan saqtaýǵa májbúr. Oregon shtatynda aptap ystyqtan 60-tan astam adam qaıtys bolsa, Vashıngtonda onnan astam adam qaıtty.
"Adyrna" ulttyq portaly.
