Ótken jyldyń naýryzynan bastap alǵash ret bıylǵy sáýirde Qazaqstan ekonomıkasynyń ósýi baıqaldy. Birinshi jartyjyldyqtyń qorytyndysy boıynsha ol 2,2% qurady. Bul týraly úkimettiń keńeıtilgen otyrysynda QR premer-mınıstri Asqar Mamın aıtty, dep habarlaıdy "Adyrna" portaly.
Bıyl bıýdjettik sala qyzmetkerleriniń jalaqysyn kóterý jalǵasty. 600 myń muǵalimniń jalaqysynyń ósýi 25 paıyzǵa, 247 myń medıına qyzmetkerine biliktilik deńgeıine baılanysty 20-dan 30 paıyzǵa deıin qamtamasyz etilgen. 21 myń shtat birligin qamtyp, áleýmettik qyzmetkerlerdiń jalaqysy 50%-ǵa ósti.
Asqar Mamın
Onyń aıtýynsha, 82 myń memlekettik qyzmetkerdiń jalaqysy ósedi. 1 shildeden bastap jergilikti atqarýshy organdardyń qyzmetkerleri úshin 1,9 ese. 2022 jyldyń 1 qańtarynan bastap ortalyq memlekettik organdardyń qyzmetkerleri úshin 2024 jylǵa deıin jyl saıyn 30%.
"Jalpy, muǵalimderdiń ortasha aılyq jalaqysy 234 myń teńgege deıin, dárigerler 320 myń teńgege deıin, áleýmettik qyzmetkerler 180 myń teńgege deıin, memlekettik qyzmetkerler 267 myń teńgege deıin ósti", dedi úkimet basshysy.
Jalpy 6 aı ishinde eldegi ortasha aılyq jalaqy 233 myń teńgeni qurady.
"Adyrna" ulttyq portaly
