Aqtóbe oblystyq saılaý komıssııasynyń múshesi Shyńǵys Nurjigit 25 shildedegi saǵat 20.00-degi jaǵdaı boıynsha oblysta aýyl ákimderin saılaýǵa 25 308 adam qatysyp, saılaýshylardyń 79 paıyzy daýys bergenin jetkizdi dep habarlaıdy "Adyrna" ulttyq portalynyń tilshisi.
— Aýmaqtyq saılaý komıssııalarynyń usynǵan derekterine sáıkes 2021 jylǵy 25 shildedegi saǵat 20.00-daǵy jaǵdaı boıynsha saılaý bıýlletenderin tizimge engizilgen saılaýshylardyń jalpy sanynyń 79 paıyzy aldy. Iaǵnı 25 308 adam saılaýda daýys berdi. Olardyń ishinde Áıteke bı aýdanynda saılaýshylardyń 72,29 paıyzy, Alǵa aýdanynda — 88,52 paıyzy, Baıǵanın aýdanynda — 86,82 paıyzy, Yrǵyz aýdanynda — 85,93 paıyzy, Qarǵaly aýdanynda — 90,96 paıyzy, Mártók aýdanynda — 93,74 paıyzy, Muǵaljar aýdanynda — 98,31 paıyzy, Temir aýdanynda — 55,45 paıyzy, Oıyl aýdanynda — 93,91 paıyzy, Qobda aýdanynda — 81,16 paıyzy, Hromtaý aýdanynda — 92,92 paıyzy, sondaı-aq Shalqar aýdanynda 89,40 paıyzy daýys berdi, — dedi ol.
Onyń aıtýynsha, qazir saılaý ýchaskelerinde daýystardy sanaý jumystary júrgizilýde. Nátıjeleri erteń jarııalanady.
"Adyrna" ulttyq portaly.
